കോട്ടയം : കോട്ടയം കഞ്ഞിക്കുഴി ഇറഞ്ഞാൽ തിരുവഞ്ചൂർ മോസ്കോ റോഡിൽ സ്വകാര്യ ബസ്സും കാറും കൂട്ടിയിടിച്ച് കാർ യാത്രക്കാരന് പരിക്ക്. ഇന്ന് ഉച്ചകഴിഞ്ഞ് മൂന്നുമണിയോടുകൂടിയായിരുന്നു സംഭവം. നിസാന്റെ മാഗ്നറ്റ് കാറാണ് അപകടത്തിൽപ്പെട്ടത്. കാർ ഓടിച്ചിരുന്ന ജിജോ വർക്കി എന്ന വ്യക്തിക്ക് സാരമായ പരിക്കുകളോടെ ആശുപത്രിയിൽ പ്രവേശിപ്പിച്ചു. കഞ്ഞിക്കുഴി ഭാഗത്ത് നിന്നും കോട്ടയത്തേക്ക് വരികയായിരുന്ന പുല്ലാടൻ ബസ്സും നിസാന്റെ മാഗ്നറ്റ് കാറുമാണ് കൂട്ടിയിടിച്ചത്.ബസ് അമിത വേഗത്തിൽ ആയിരുന്നു എന്നാണ് നാട്ടുകാർ ആരോപിക്കുന്നത്.എന്നാൽ കാറ് ബസ്സിന് മുന്നിലായിരുന്നു എന്നും വേഗം തിരിച്ചതാണ് അപകടത്തിന് കാരണമെന്നുമാണ് ബസ്സുകാർ ആരോപിക്കുന്നത്.
Advertisements
