കോട്ടയം : കോട്ടയം പാറമ്പുഴയിൽ ഡിപ്പോ കടവിന് എതിർവശത്ത് മീനച്ചിലാറ്റിൽ യുവാവിനെ കാണാതായി. സുഹൃത്തുക്കൾക്കൊപ്പം കുളിക്കാനിറങ്ങിയ കുളിക്കാനിറങ്ങിയ അയ്മനത്ത്പുഴ സ്വദേശിയായ യുവാവിനെയാണ് കാണാതായത്. ചൊവ്വാഴ്ച വൈകിട്ട് ആറരയോട് കൂടിയായിരുന്നു സംഭവം. സന്ധ്യയോടെയാണ് യുവാവും സുഹൃത്തുക്കളും ബണ്ടുകെട്ടിയ ഭാഗത്ത് കുളിക്കാനായി ഇറങ്ങിയത്.
Advertisements
സുഹൃത്തുക്കൾക്കൊപ്പം വെള്ളത്തിൽ നീന്തുന്നതിനിടെ യുവാവിനെ കാണാതാവുകയായിരുന്നു. സുഹൃത്തുക്കൾ ബഹളം വച്ചതോടെ ഓടിക്കൂടിയ നാട്ടുകാർ ചേർന്ന് ആദ്യഘട്ട രക്ഷാപ്രവർത്തനം നടത്തിയെങ്കിലും യുവാവിനെ കണ്ടെത്താനായില്ല. തുടർന്ന് അഗ്നിരക്ഷാസേനയെ വിവരമറിയിച്ചു. കോട്ടയം യൂണിറ്റിൽനിന്നുള്ള അഗ്നിരക്ഷാസേനാസംഘം സ്ഥലത്ത് എത്തിയിട്ടുണ്ട്. ഇവർ പ്രദേശത്ത് തിരച്ചിൽ നടത്തുകയാണ്.
