കോട്ടയം : കോട്ടയം പുതുപ്പള്ളിയിൽ ഓടിക്കൊണ്ടിരുന്ന ഒമിനി വാൻ കത്തി നശിച്ചു. പുതുപ്പള്ളി പാറപ്പുറം ബിജു തോമസിന്റെ ഉടമസ്ഥതയിലുള്ള വാനാണ് കത്തി നശിച്ചത്. പെട്രോൾ ചോർച്ച ഉണ്ടായതിനെ തുടർന്ന് വർക്ക് ഷോപ്പിലേക്ക് പോകും വഴിയാണ് അപകടം. വാഹനം വർക്ക് ഷോപ്പിൽ കാണിക്കാനായി പോകും വഴി പുതുപ്പള്ളി കോഴിമല ഭാഗത്തു വച്ച് തീ പിടിക്കുകയായിരുന്നു.
Advertisements
വാഹനത്തിൽ നിന്നും തീയും പുകയും ഉയരുന്നത് ശ്രദ്ധയിൽ പെട്ട് യാത്രക്കാർ പുറത്തിറങ്ങിയതിനാൽ വലിയ അപകടം ഒഴിവായി. കോട്ടയത്തു നിന്നുള്ള അഗ്നി രക്ഷാ സേനയെത്തിയാണ് തീ അണച്ചത്. അപകടത്തിൽ വാഹനം പൂർണ്ണമായും കത്തി നശിച്ചു. ഏഷ്യാനെറ്റ് കേബിൾ ടി വി ഫ്രാഞ്ചൈസി ഉടമയാണ് ബിജു . ജോലി ആവശ്യങ്ങൾക്ക് ഉപയോഗിക്കുന്ന വാനാണ് കത്തിയത്. യാത്രക്കാർ സുരക്ഷിതരാണ്.
