കോട്ടയം: ടിബി റോഡ് മർച്ചൻസ് വെൽഫെയർ അസോസിയേഷൻ കുടുംബ സംഗമം നാളെ ആഗസ്റ്റ് മൂന്നിന് കോട്ടയം അർക്കാഡിയ ഹോട്ടലിൽ നടക്കും. മന്ത്രി വി.എൻ വാസവൻ ഉദ്ഘാടനം ചെയ്യും. വ്യാപാര രംഗത്ത് അൻപത് വർഷം പൂർത്തിയാക്കിയ അർക്കേഡിയ ഇന്റർനാഷണൽ ഉടമ കെ.ടി തോമസ്, ന്യൂ കേരള കയർ സ്‌റ്റോർ ഉടമ പി.എം മുഹമ്മദ്, ഹമീദിയ സൈക്കിൾ ഷോപ്പ് ഉടമ ഇ.കെ മുഹമ്മദ് ലത്തീഫ് എന്നിവരെ യോഗത്തിൽ ആദരിക്കും. 35 വർഷത്തിലധികം സേവനം ചെയ്ത വ്യാപാരികളെയും പുതിയ സംരംഭകരെയും തിരുവഞ്ചൂർ രാധാകൃഷ്ണൻ എം.എൽ.എ യോഗത്തിൽ ആദരിക്കും. നഗരസഭ അധ്യക്ഷ ബിൻസി സെബാസ്റ്റിയൻ വിദ്യാഭ്യാസ അവാർഡ് വിതരണം നടത്തും. നഗരസഭ വൈസ് ചെയർമാൻ ബി.ഗോപകുമാർ ലഹരി വിരുദ്ധ സന്ദേശം നൽകുകയും, ചാരിറ്റി ഫണ്ട് വിതരണം നടത്തുകയും ചെയ്യും. ടിബി റോഡ് മർച്ചൻസ് വെൽഫെയർ അസോസിയേഷൻ സെക്രട്ടറി പി.ബി ഗിരീഷ് സ്വാഗതം ആശംസിക്കും. പ്രസിഡന്റ് നൗഷാദ് പനച്ചിമൂട്ടിൽ അധ്യക്ഷത വഹിക്കും. വ്യാപാരി വ്യവസായി ഏകോപന സമിതി ജില്ലാ സെക്രട്ടറിയും കോട്ടയം മർച്ചൻസ് അസോസിയേഷൻ പ്രസിഡന്റുമായ എ.കെ.എൻ പണിക്കർ, തിരുനക്കര പുത്തൻപള്ളി ഇമാം താഹാ മൗലവി, ദേവലോകം അരമന മുൻ പി.ആർ.ഒ ഫാ.മോഹൻ ജോസഫ്, എസ്.എൻ.ഡി.പി യോഗം കോട്ടയം യൂണിയൻ കൺവീനർ സുരേഷ് പരമേശ്വരൻ, മൻച്ചൻസ് അസോസിയേഷൻ സെക്രട്ടറി കെ.പി നൗഷാദ്, നഗരസഭ അംഗങ്ങളായ എൻ.ജയചന്ദ്രൻ, ജയമോൾ ജോസഫ്, കെ.ശങ്കരൻ എന്നിവർ പ്രസംഗിക്കും. ടിബി റോഡ് മർച്ചൻസ് അസോസിയേഷൻ വൈസ് പ്രസിഡന്റ് കെ.ജി സദാശിവൻ നന്ദി പറയും.
കോട്ടയം ടിബി റോഡ് മർച്ചൻസ് വെൽഫെയർ അസോസിയേഷൻ കുടുംബസംഗമം നാളെ ആഗസ്റ്റ് മൂന്നിന് കോട്ടയം അർക്കേഡിയ ഹോട്ടലിൽ; മന്ത്രി വി.എൻ വാസവൻ ഉദ്ഘാടനം ചെയ്യും; മുതിർന്ന വ്യാപാരികളെ ആദരിക്കും
