കോട്ടയം : ബൈക്കിൽ കറങ്ങി നടന്ന് കഞ്ചാവ് വിൽപ്പന നടത്തുന്ന യുവാവിനെ ഒരു കിലോ കഞ്ചാവുമായി എക്സൈസ് സംഘം പിടികൂടി. കോട്ടയം ചെങ്ങളം തെക്ക് കിളിരൂർ കരയിൽ പനത്തറ മാലിയിൽ വീട്ടിൽ വിഷ്ണു പ്രശാന്തി( 28 ) നെയാണ് എക്സൈസ് സർക്കിൾ ഇൻസ്പെക്ടർ ഇ.പി സിബിയുടെ നേതൃത്വത്തിലുള്ള സംഘം പിടികൂടിയത്. തിങ്കളാഴ്ച ഉച്ചയ്ക്ക് രണ്ടരയോടെ മരുതനാൽ – തിരുവാർപ്പ് റോഡിൽ പരുതിയകം ലക്ഷം വീട് റോഡിന് സമീപത്തെ റോഡിലാണ് ഇയാൾ കഞ്ചാവുമായി നിൽക്കുന്നതായി കണ്ടത്. തുടർന്ന് , എക്സൈസ് സംഘം നടത്തിയ പരിശോധനയിൽ ഇയാളുടെ വാഹനത്തിൽ നിന്നും കഞ്ചാവ് കണ്ടെത്തുകയായിരുന്നു. തുടർന്ന് വാഹനവും പ്രതിയെയും എക്സൈസ് സംഘം കസ്റ്റഡിയിലെടുത്തു. അന്വേഷണത്തിൽ പ്രിവന്റീവ് ഓഫിസർ സന്തോഷ്‌ കുമാർ ബി , ആനന്ദ് രാജ് ബി , പ്രിവന്റീവ് ഓഫിസർ (ഗ്രേഡ് ) അജിത്ത് കുമാർ കെ.എൻ , സിവിൽ എക്സൈസ് ഓഫീസർമാരായ ജോസഫ് കെ.ജി, പ്രവീൺ ശിവാനന്ദ് ഡ്രൈവർ അനസ് മോൻ സി.കെ എന്നിവർ പങ്കെടുത്തു.
