കോട്ടയം: നഗരമധ്യത്തിൽ ലോഗോസ് ജംഗ്ഷനിലെ നല്ലിടയൻ ദേവാലയത്തിനു സമീപത്തെ ഷെഡിൽ സൂക്ഷിച്ചിരുന്ന തടികൾക്ക് തീ പിടിച്ചു. നിർമ്മാണ പ്രവർത്തനങ്ങൾക്കായി പള്ളിയുടെ സമീപത്തെ ഷെഡിൽ സൂക്ഷിച്ചിരുന്ന തടികൾക്കാണ് തീ പിടിച്ചത്. ഇതേ തുടർന്ന് വലിയ പുകയും തീയും അന്തരീക്ഷത്തിൽ പടർന്നു. ഇതോടെ പ്രദേശമാകെ പുക പടർന്നു പിടിച്ചിട്ടുണ്ട്. ശനിയാഴ്ച വൈകിട്ട് ഒൻപത് മണിയോടെയാണ് ലോഗോസ് ജംഗ്ഷനു സമീപം നല്ലിടയൻ ദേവാലയത്തിലെ ഷെഡിൽ തീ പടർന്നത്. കോട്ടയം യൂണിറ്റിൽ നിന്നുള്ള അഗ്നിരക്ഷാ സേനാ സംഘം സ്ഥലത്ത് എത്തി തീ നിയന്ത്രണ വിധേയമാക്കി.
Advertisements
