വൈക്കം: ബൈക്കും സ്‌കൂട്ടറും കൂട്ടിയിടിച്ച് യുവാവിനും യുവതിയ്ക്ക് പരിക്ക്. സ്കൂട്ടർ യാത്രക്കാരി വൈക്കപ്രയാർ കൊച്ചുകണിയാന്തറ അജയകുമാറിന്റെ മകൾ അഖില(26), ബൈക്ക് യാത്രക്കാരൻ ഉദയനാപുരം നെടുങ്ങാട്ടിൽ ജിതു എന്നിവർക്കാണ് പരിക്കേറ്റത്. വൈക്കം- തലയോലപ്പറമ്പ് റോഡിൽ തുറുവേലിക്കുന്നിന് സമീപം പടിഞ്ഞാറെക്കര കലുങ്ക് പാലത്തിൽ വെള്ളിയാഴ്ച രാവിലെ 9.45-നായിരുന്നു അപകടം. റോഡിലേക്ക് തെറിച്ചു വീണ ഇരുവരെയും നാട്ടുകാർ ചേർന്നാണ് ആശുപത്രിയിലാക്കിയത്. അപകടത്തിൽ സാരമായി പരിക്കേറ്റ അഖിലയെ കോട്ടയം മെഡിക്കൽ കോളേജ് ആശുപത്രിയിലും ജിതുവിനെ മുട്ടുചിറയിലെ സ്വകാര്യ ആശുപത്രിയിലും പ്രവേശിപ്പിച്ചു.
Advertisements
