കോട്ടയം : വെള്ളുത്തുരുത്തി സ്വദേശി ചാലുവേലിൽ കോശി ജോർജ്(56) ആണ് കയറിൽ നിന്നും വഴുതി കിണറ്റിൽ വീണത്. വീട്ടിൽ കിണർതേകാൻ എത്തിയ തൊഴിലാളിയെ സഹായിക്കാൻ കിണറ്റിൽ ഇറങ്ങിയപ്പോൾ കയറിൽ നിന്നും വഴുതി വീഴുകയായിരുന്നു. ഇന്ന് രാവിലെ 11:00 മണിയോടുകൂടിയായിരുന്നു സംഭവം. നാട്ടുകാർ ഉടൻ വിവരം അറിയിച്ചതിനെ തുടർന്ന് കോട്ടയത്ത് നിന്നും അഗ്നിരക്ഷാസേന എത്തുകയും സ്റ്റേഷൻ ഓഫീസർ വിഷ്ണു മധുവിന്റെ നേതൃത്വത്തിലുള്ള സംഘം കിണറ്റിൽ നിന്നും പുറത്തെടുക്കുകയായിരുന്നു. വീഴ്ചയിൽ കാലിന് സാരമായി പരിക്കേറ്റയാളെ കോട്ടയം ജില്ലാ ജനറൽ ആശുപത്രിയിൽ പ്രവേശിപ്പിച്ചു.
Advertisements
