മുത്തോലി: ലയൺസ് ഡിസ്ട്രിക് 318Bയുടെ യൂത്ത് എമ്പവർമെന്റ്പ്രോഗ്രാമിന്റെ ഭാഗമായി ലയൺസ് ക്ലബ് ഓഫ് അരുവിത്തുറയുടെ നേതൃത്വത്തിൽ മുത്തോലി സെന്റ് ആന്റണിസ് എച്ച് എസ് എസിലെ നാഷണൽ സർവീസ് സ്കീംന്റെയും തിരുവല്ല ഐ മൈക്രോ സർജറി ആൻഡ് ലേസർ സെന്ററിന്റെയും സഹകരണത്തോടെ മെഗാ സൗജന്യ നേത്രപരിശോധന ക്യാമ്പും, കണ്ണട വിതരണവും നടത്തി. പാലാ മാർസ്ലീവാ മെഡിസിറ്റിയുടെ നേതൃത്വത്തിൽ ഫസ്റ്റ് എയ്ഡ് അവയർനെസ് ക്ലാസും സംഘടിപ്പിച്ചു. പരിപാടിയുടെ ഉത്ഘാടനം സ്കൂൾ മാനേജർ റവ: ഡോക്ടർ മാത്യു ആനത്താരക്കലിന്റെ അധ്യക്ഷതയിൽ മുത്തോലി ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാന്റിങ് കമ്മറ്റി ചെയർമാൻ രാജൻ മുണ്ടമറ്റം നിർവഹിച്ചു.
ലയൺസ് ജില്ലാ ചീഫ് പ്രൊജക്റ്റ്‌ കോർഡിനേറ്റർ സിബി മാത്യു പ്ലാത്തോട്ടം മുഖ്യപ്രഭാഷണം നടത്തി. അരുവിത്തുറ ലയൺസ് ക്ലബ് പ്രസിഡന്റ് മനേഷ് ജോസ് കല്ലറക്കൽ സെക്രട്ടറി റ്റിറ്റോ തെക്കേൽ, ട്രെഷറർ സ്റ്റാൻലി തട്ടാംപറമ്പിൽ, സ്കൂൾ പ്രിൻസിപ്പൽ മിനി മാത്യു, പി റ്റി എ പ്രസിഡന്റ് ഷിജോ ജോസഫ്, എൻ എസ് എസ് പ്രോഗ്രാം ഓഫീസർ ഷിബിൻ കെ വർഗീസ് തുടങ്ങിയവർ ആശംസകൾ അർപ്പിച്ചു സംസാരിച്ചു.