കോട്ടയം : ബേക്കർ സ്കൂളിൽ ഹൈസ്കൂളിന്റെയും ഹയർസെക്കൻഡറി സ്കൂളിന്റെയും ഓഫീസിൽ മോഷണം നടത്തിയ പ്രതികൾ പിടിയിൽ. സിസിടിവി ക്യാമറയുടെ ഹാർഡ് ഡിസ്ക്കടക്കം പ്രതികൾ മോഷ്ടിച്ചിട്ടും തന്ത്രപരമായ നീക്കത്തിനൊടുവിൽ ആണ് കോട്ടയം വെസ്റ്റ് പോലീസ് പ്രതികളെ പിടികൂടിയത്. കൊല്ലം സ്വദേശികളായ വിനോജ് (44) സുധി ദാസ് (54) എന്നിവരെയാണ് കോട്ടയം ബെസ്റ്റ് എസ് എച്ച് ഇൻസ്പെക്ടർ കെ ആർ പ്രശാന്ത് കുമാറിന്റെ നേതൃത്വത്തിലുള്ള സംഘം പിടികൂടിയത്. കഴിഞ്ഞ ആഴ്ച നടന്ന മോഷണത്തിലെ പ്രതികളെ ദിവസങ്ങൾക്കുള്ളിൽ തന്നെ പോലീസ് സംഘം പിടികൂടുകയായിരുന്നു. പ്രതികളെ ബേക്കർ സ്കൂളിൽ ഹാജരാക്കി പോലീസ് തെളിവെടുപ്പ് നടത്തി.
Advertisements
