വാഴൂർ: ദേശീയപാതയില്‍ കൊടുങ്ങൂരിന് സമീപം പതിനേഴാംമൈലില്‍ ബസുകള്‍ കൂട്ടിയിടിച്ചു. മഴയത്ത് ബ്രേക്ക് ഇടുന്നതിനിടയില്‍ തെന്നിമാറി മതിലിലിടിച്ച സ്വകാര്യ ബസിന് പിന്നില്‍ കെഎസ്‌ആർടിസി ബസ് ഇടിക്കുകയായിരുന്നു.കെഎസ്‌ആർടിസിയുടെ പിന്നിലിടിച്ച്‌ ബൈക്ക് യാത്രികനു പരിക്കേറ്റു. ബസിലുണ്ടായിരുന്ന യാത്രക്കാർക്ക് പരിക്കില്ല.
Advertisements
ഇന്നലെ ഉച്ചകഴിഞ്ഞ് 2.30 ഓടെയായിരുന്നു അപകടം. കോട്ടയത്തുനിന്നു മുണ്ടക്കയത്തേക്ക് പോയ സ്വകാര്യ ബസാണ് സ്റ്റോപ്പില്‍ നിർത്തുന്നതിനിടയില്‍ തെന്നി നിയന്ത്രണംവിട്ട് സമീപത്തെ വീടിന്‍റെ മതിലിലിടിച്ചത്. ഇതേ സമയം കോട്ടയത്തേക്ക് പോയ കെഎസ്‌ആർടിസി ബസ് സ്വകാര്യ ബസിന്‍റെ പിന്നിലിടിക്കുകയായിരുന്നു. കെഎസ്‌ആർടിസിയുടെ ചില്ല് തകർന്നു. സ്വകാര്യ ബസിന്‍റെ മുൻഭാഗവും പിൻവശവും തകർന്നു. അപകടത്തെ തുടർന്ന് അരമണിക്കൂറോളം ഗതാഗതം തടസപ്പെട്ടു
