ഏറ്റുമാനൂർ : ഇൻഡോർ സ്പോർട്സ് അക്കദമിയിൽ നടന്നു വരുന്ന 47 – മത് കോട്ടയം ജില്ലാ ഷട്ടിൽ ബാഡ്‌മിന്റന്‍ ചാമ്പ്യൻഷിപ്പ് ബഹു. സഹകരണ വകുപ്പ് മന്ത്രി വി എൻ വാസവൻ ഉത്ഘാടനം ചെയ്തു. കോട്ടയം ജില്ലാ ഷട്ടിൽ ബാഡ്‌മിന്റന്‍ അസോസിയേഷന്‍ പ്രസിഡന്റ് കുഞ്ഞു മൈക്കിൾ അദ്ധ്യക്ഷനായ യോഗത്തിൽ ജില്ലാ സെക്രട്ടറി ലൗജൻ എൻ പി സ്വാഗതവും, കേരളാ സംസ്ഥാന ട്രഷറർ ജീ പ്രശാന്ത് കൃതഞ്ജതയും രേഖപ്പെടുത്തിയ ഉത്ഘാടന സമ്മേളനത്തിൽ ജില്ലാ സ്പോർട് കൗൺസിൽ പ്രസിഡന്റ് ഡോ.ബൈജു വർഗ്ഗീസ് ഗുരുക്കൾ, ജില്ലാ ഒളിംപിക്ക് അസോസിയേഷന്‍ സെക്രട്ടറി ഷാജി എസ് കൊട്ടാരം, ചാക്കോ ജോസഫ് (റിട്ട. സംസ്ഥാന സ്കൂൾ സ്പോർട്സ് ജോയിന്റ് ഡയറക്ടർ), പ്രീതി രാജേഷ് (മുൻസിപ്പൽ കൗൺസിലർ), ജോസഫ് എം കള്ളിവയലിൽ (എം ഡി, ഗ്ലെൻറോക്ക് റെബേഴ്സ്), ജീ ശ്രീകുമാർ (ഡയറക്ടർ ഇസ സ്പോർട്സ്), ബജോമോൻ ജോർജ്ജ് (ട്രഷറർ, കെ ഡി ബി എസ് എ) എന്നിവർ സന്നിഹിതരായിരുന്നു. യോഗത്തിൽ ബാഡ്‌മിന്റന്‍ നാഷണൽ മാച്ച് കൺട്രോളർ ആയ ജീ പ്രശാന്ത്, നാഷണൽ അമ്പയർ ആയ അഷിതാ ജോണി, ബാഡ്‌മിന്റന്‍ താരങ്ങളായ ചേസ് സിജോ, ശ്രേയ മരിയ മാത്യു, ശ്രേയ കെ മേനോൻ എന്നിവരെ ആദരിച്ചു.
