അതിശക്തമായ മഴ സാധ്യത:കോട്ടയത്ത് ഇന്നും നാളെയും ഓറഞ്ച് അലെർട്ട്: ഓഗസ്റ്റ് 19 മുതൽ 21 വരെ മഞ്ഞ അലെർട്ട്: പൊതുജനങ്ങൾ ജാഗ്രത പുലർത്തണമെന്ന് ജില്ലാ കളക്ടർ

കോട്ടയത്ത് ഇന്നും നാളെയും ഓറഞ്ച് അലെർട്ട്: ഓഗസ്റ്റ് 19 മുതൽ 21 വരെ മഞ്ഞ അലെർട്ട്: പൊതുജനങ്ങൾ ജാഗ്രത  പുലർത്തണമെന്ന് ജില്ലാ കളക്ടർ

കോട്ടയം: കോട്ടയം ജില്ലയിൽ ഇന്നും നാളെയും ശനി, ഞായർ , ഓഗസ്റ്റ് 17, 18 തീയതികളിൽ അതിശക്തമായ മഴയ്ക്ക് സാധ്യതയുള്ളതിനാൽ കേന്ദ്ര കാലാവസ്ഥാവകുപ്പ് ഓറഞ്ച് അലെർട്ട് പ്രഖ്യാപിച്ചതായി ജില്ലാ കളക്ടർ ജോൺ കെ. സാമുവൽ അറിയിച്ചു. ഒറ്റപ്പെട്ട ശക്തമായ മഴയ്ക്കു സാധ്യതയുള്ളതിനാൽ ഓഗസ്റ്റ് 19, 20, 21 തീയതികളിൽ കോട്ടയം ജില്ലയിൽ മഞ്ഞ അലെർട്ടും പ്രഖ്യാപിച്ചിട്ടുണ്ട്.

എല്ലാവരും ജാഗ്രത പുലർത്തണമെന്ന് ജില്ലാ കളക്ടർ അറിയിച്ചു. 24 മണിക്കൂറിൽ 115.6 മുതൽ 204.4 മില്ലീമീറ്റർ വരെ മഴ ലഭിക്കുന്നതിനെയാണ് അതിശക്തമായ മഴയായി (Very Heavy Rainfall) കണക്കാക്കുന്നത്.

 24 മണിക്കൂറിൽ 64.5 മുതൽ 115.5 മില്ലിമീറ്റർ വരെ മഴ ലഭിക്കുന്നതിനെയാണ് ശക്തമായ മഴയായി കണക്കാക്കുന്നത്.