ജില്ലാ പൊലീസിന് രക്ഷാ പ്രവർത്തന ഉപകരണങ്ങൾ നൽകി വ്യാപാരി വ്യവസായി സമിതി

കോട്ടയം : അപകടങ്ങളിൽ പെടുന്ന വരെ സഹായിക്കുന്നതിന്റെ ഭാഗമായി വ്യാപാരി വ്യവസായി സമിതിയും കോട്ടയം മെഡിക്കൽ സിമുലേഷൻസും സംയുക്തമായി രക്ഷാ പ്രവർത്തന ഉപകരണങ്ങൾ ജില്ലാ പൊലീസിന് വിതരണം ചെയ്തു.

ഫോൾഡിങ്ങ് സ്‌ട്രെക്ച്ചറുകളാണ് ജില്ല പൊലീസിന് നൽകിയത്. കൂടാതെ കോവിഡ് പ്രതിരോധത്തിന്റെ ഭാഗമായി മാസ്ക്കുകൾ, സാനിറ്റൈസർകൾ എന്നിവ കോട്ടയം ജില്ല പൊലീസ് മേധാവി ഡി ശില്പയും , അഡീഷണൽ എസ്.പി എസ്‌ സുരേഷ് കുമാറും ഏറ്റുവാങ്ങി.

കോട്ടയം വെസ്റ്റ് പൊലീസ് സ്റ്റേഷനിൽ സ്റ്റേഷൻ ഹൗസ് ഓഫിസർ ഇൻസ്പെക്ടർ അനൂപ് കൃഷ്ണ ഏറ്റുവാങ്ങി. കോട്ടയം മെഡിക്കൽ സിമുലേഷൻസ് മാനേജിംഗ് ഡയറക്ടർ സുരേഷ് കെ മേനോൻ വ്യാപാരി വ്യവസായി സമിതി കോട്ടയം ജില്ലാ ട്രഷറർ പി.എ അബ്ദുൾ സലിം ,
വ്യാപാരി വ്യവസായി സമിതി ജില്ലാ കമ്മിറ്റി അംഗം രാജേഷ് കെ മേനോൻ എന്നിവർ ചേർന്നാണ് കൈമാറിയത്.