ചങ്ങനാശ്ശേരി : ഭാര്യയുമായുള്ള ബന്ധത്തെ ചൊല്ലിയുള്ള തർക്കത്തെ തുടർന്ന് നിരവധി ക്രിമിനൽ കേസുകളിൽ പ്രതിയായ യുവാവിനെ ഗുണ്ടാസംഘം വെട്ടി പരിക്കേൽപ്പിച്ചു. ഇന്നലെ അർധരാത്രിയോടെ ചങ്ങനാശ്ശേരി നഗര മദ്യത്തിൽ കെഎസ്ആർടിസി ബസ്റ്റാൻറിന് സമീപമായിരുന്നു അക്രമം. നിരവധി ക്രിമിനൽ കേസുകളിൽ പ്രതിയായ ചങ്ങനാശ്ശേരി സ്വദേശി ഷമീർ സലി(ചോട്ടാ സലിം ) മിനാണ് വെട്ടേറ്റത്. മറ്റൊരു യുവാവിന്റെ ഭാര്യയുമായി സലീമിന് ബന്ധമുണ്ടെന്ന് സംശയത്തെ തുടർന്നാണ് ഗുണ്ടാസംഘം ഇയാളെ നഗര മധ്യത്തിൽ വച്ച് വെട്ടി പരിക്കേൽപ്പിച്ചതെന്നാണ് ലഭിക്കുന്ന സൂചന.
വെള്ളിയാഴ്ച അർദ്ധരാത്രി കൂടിയായിരുന്നു ആക്രമണം. കാറിൽ എത്തിയ അക്രമിസംഘം സലീമിനെ തടഞ്ഞുനിർത്തി ആക്രമിക്കുകയായിരുന്നു. ഗുരുതരമായി പരിക്കേറ്റ സലീമിനെ പോലീസ് സംഘം എത്തിയാണ് ചങ്ങനാശ്ശേരി ജനറൽ ആശുപത്രിയിൽ എത്തിച്ചത്. നിരവധി ക്രിമിനൽ കേസുകളിൽ പ്രതിയായ സലിം ചങ്ങനാശ്ശേരി പോലീസിന്റെ ഗുണ്ട ലിസ്റ്റിൽ ഉൾപ്പെട്ട ആളാണ്. ഗുണ്ടാ മാഫിയ സംഘങ്ങൾ തമ്മിലുള്ള കുടിപ്പകയാണ് അക്രമത്തിന് കാരണമെന്ന് പോലീസ് പറഞ്ഞു. സലീമിനെ ആക്രമിച്ച പ്രതികളെ പോലീസ് തിരിച്ചറിഞ്ഞിട്ടുണ്ട്. ഇവർ രക്ഷപ്പെട്ട വാഹനത്തിൻറെ നമ്പർ അടക്കം ശേഖരിച്ച് പോലീസ് പരിശോധന നടത്തുകയാണ്.
