കോട്ടയം: 35-ാത് കോട്ടയം വെസ്റ്റ് വിദ്യാഭ്യാസ ഉപജില്ല സ്കൂൾ കലോത്സവം നവംബർ 18,19, 20, 21 തീയതികളിൽ കുടമാളൂർ ഗവൺമെൻറ് ഹയർ സെക്കൻഡറി സ്കൂളിൽ നടക്കും. മൂവായിരത്തിലധികം കൊച്ച് കലാകാരന്മാരും കലാകാരികളും മാറ്റുരക്കുന്ന പ്രധാന കലോത്സവ വേദിയുടെ പന്തൽ കാൽനാട്ടു കർമ്മം കോട്ടയം ജില്ലാ പഞ്ചായത്ത് മെമ്പർ പ്രൊഫ. ഡോ. റോസമ്മ സോണി നിർവഹിച്ചു. അഞ്ചു വേദികളിലായിട്ടാണ് മത്സരങ്ങൾ അരങ്ങേറുന്നത്. കലോത്സവ ലോഗോ പ്രകാശനം അയ്മനം ഗ്രാമ പഞ്ചായത്ത് അംഗം ബിന്ദു ഹരികുമാർ നിർവഹിച്ചു. മത്സരത്തിന് എത്തുന്ന മുഴുവൻ കുട്ടികൾക്കും ആവശ്യമായ എല്ലാ സജ്ജീകരണങ്ങളും പിടിഎയുടെ നേതൃത്വത്തിൽ ക്രമീകരിച്ചിട്ടുണ്ട്. ചടങ്ങിൽ കലോത്സവ സംഘാടക സമിതി ജനറൽ കൺവീനർ സ്കൂൾ പ്രിൻസിപ്പാൾ റാണി ജെ സ്വാഗതം പറഞ്ഞു. ഹെഡ്മിസ്ട്രസ് ആശ നായർ, ഗ്രാമപഞ്ചായത്ത് അംഗം മിനി മനോജ്, പി.ടി.എ പ്രസിഡന്റ്‌ സുജിത് എസ് നായർ , സീനിയർ അസിസ്റ്റന്റ് സജി മാർക്കസ് , എസ് എം സി ചെയർമാൻ അനിൽ , പാഠ്യേതര കമ്മിറ്റി കൺവീണർ മനോജ് ജോസഫ്, പ്രോഗ്രാം കമ്മിറ്റി കൺവീനർ അനീഷ് ഐ.എം. അധ്യാപകരായ റോബിൻ, ശ്രീകുമാർ, അഡ്വ. രഘുനാഥൻ നായർ എന്നിവർ ചടങ്ങിന് നേതൃത്വം നൽകി.
