കുമരകം : കുമരകം കലാഭവനിൽ 75 മത് റിപ്പബ്ലിക് ദിനാഘോഷം കലാഭവൻ മന്ദിര അങ്കണത്തിൽ സംഘടിപ്പിച്ചു, കലാഭവൻ വൈസ് പ്രസിഡണ്ട് പി വി പ്രസേനൻ അധ്യക്ഷത വഹിച്ച സമ്മേളനം ഏറ്റുമാനൂർ ബ്ലോക്ക് പഞ്ചായത്ത് വിദ്യാഭ്യാസ ആരോഗ്യ കാര്യ ചെയർപേഴ്സൺ കവിതാ ലാലു ഉദ്ഘാടനം ചെയ്തു, സമ്മേളനത്തിൽ വൈസ് പ്രസിഡണ്ട് പി എസ് സദാശിവൻ റിപ്പബ്ലിക് ദിന സന്ദേശം നൽകി ,കുമരകം ഗ്രാമപഞ്ചായത്ത് അംഗങ്ങളായ പി ഐ എബ്രഹാം, പി കെ മനോഹരൻ ,കലാഭവൻ ഭാരവാഹികളായ എസ് ഡി പ്രേംജി, ജഗദമ്മ മോഹനൻ, പി കെ ശാന്തകുമാർ ,വി കെ പ്രകാശൻ ,ബാലചന്ദ്രൻ കെ എൻ എന്നിവർ സംസാരിച്ചു, തുടർന്ന് ഗണേഷ് ഗോപാൽ പി കെ വിജയകുമാർ, രാജി സാജൻ ,പി ഐ എബ്രഹാം എന്നിവരുടെ നേതൃത്വത്തിൽ ദേശഭക്തിഗാനങ്ങൾ ആലപിച്ചു ,ചടങ്ങിൽ പതാക ഉയർത്തുകയും മധുരം വിതരണം നടത്തുകയും ചെയ്തു.
Advertisements
