കൊച്ചി : ഇഡി ഉദ്യോഗസ്ഥൻ പ്രതിയായ വിജിലൻസ് കേസിൽ ഇഡി അസിസ്റ്റന്റ് ഡയറക്ടർ ശേഖർ കുമാറിൻ്റെ അറസ്റ്റ് തടഞ്ഞ നടപടി രണ്ടാഴ്‌ചത്തേക്ക് കൂടി നീട്ടി ഹൈക്കോടതി. മുൻകൂർ ജാമ്യ ഹർജിയിൽ മറുപടി സമർപ്പിക്കാൻ സർക്കാർ വീണ്ടും സമയം ചോദിച്ചതോടെയാണ് കോടതി നടപടി. കേസിൽ മൊബൈൽ ഫോൺ വിവരങ്ങൾക്ക് അപ്പുറം വേറെ തെളിവുകളൊന്നും ഇതുവരെ കണ്ടെത്തിയിട്ടില്ലെ എന്ന് കോടതി സർക്കാരിനോട് ചോദിച്ചു. രണ്ടും നാലും പ്രതികളുടെ മൊബൈൽ ഫോൺ വിവരങ്ങൾ പരിശോധിക്കാൻ കൂടുതൽ സമയം വേണമെന്ന് സർക്കാർ അറിയിച്ചു. തുടർന്നാണ് ഹർജി ജൂലൈ 3 ലേക്ക് മാറ്റിയത്. അന്വേഷണവുമായി സഹകരിക്കാൻ ഇഡി ഉദ്യോഗസ്ഥന് കോടതി നിർദേശം നൽകി.
Advertisements