കോട്ടയം : ചിങ്ങവനത്തിന്റെ പ്രവേശന ഭാഗമായ പുത്തൻപാലം സൗന്ദര്യവത്കരിച്ചു. പൊതുജനങ്ങളുടെയും, വഴിയോരകച്ചവടക്കാരുടെയും വ്യാപാരികളുടെയും നഗരസഭയുടേയും വാർഡ് കൗൺസിലറുടേയും സഹകരണത്തോട് കൂടി ആ പ്രദേശം മാലിന്യ മുക്തമാക്കുകയും ചെടികളും വൃക്ഷ തൈകൾ വെച്ച് സൗന്ദര്യവത്കരിക്കുകയുംചെയ്തു. വ്യാപാരി വ്യവസായി സമിതി ചിങ്ങവനം യൂണിറ്റിന്റെ നേതൃത്വത്തിലാണ് പരുപാടിക്ക് തുടക്കം കുറിച്ചത്.
മാലിന്യങ്ങളുടെ കൂമ്പാരമായിരുന്ന അവിടം കാട് കയറിയും നിരീക്ഷണ ക്യാമറ പോലെയുള്ള സംവിധാനങ്ങൾ ഇല്ലത്താതുമൊക്കെ മാലിന്യങ്ങൾ അവിടെ വർധിക്കുവാൻ ഇടയാക്കിയിരുന്നു. പ്രവർത്തനങ്ങൾക്ക് വ്യാപാരി വ്യവസായി സമിതി സംസ്ഥാന സെക്രട്ടറി ശ്രീ ഈ എസ് ബിജു ഉത്ഘാടനം നിർവഹിച്ചു. വാർഡ് കൗൺസിലർ സൂസൻ സേവ്യർ,പി പി ജോയ് എന്നിവർ സംസാരിച്ചു. യൂണിറ്റ് പ്രസിഡന്റ് കുര്യൻ കുര്യക്കോസ് അദ്ധ്യക്ഷത വഹിച്ച യോഗം സെക്രട്ടറി കെ കെ അഖിലേഷ് സ്വാഗതവും സുനീഷ് നന്ദിയും രേഖപെടുത്തി.
