കുടവച്ചൂർ സെൻ്റ് മേരീസ് പള്ളിയിൽ തിരുന്നാളിന് കൊടിയേറി

ഫോട്ടോ: കുടവെച്ചൂർ സെൻ്റ് മേരീസ് പള്ളിയിൽ പരിശുദ്ധ കന്യകാമറിയത്തിൻ്റെ പിറവി തിരുനാളിന്
ഫരീദാബാദ്-ഡൽഹി അതിരൂപതാ മെത്രാപ്പോലീത്ത മാർ കുര്യാക്കോസ് ഭരണികുളങ്ങരയുടെ മുഖ്യകാർമ്മികത്വത്തിൽ കൊടിയേറ്റുന്നു. വികാരി ഫാ.പോൾ ആത്തപ്പിള്ളി,സഹവികാരി ഫാ. ആൻ്റണികളത്തിൽ തുടങ്ങിയവർ സമീപം

വെച്ചൂർ:കുടവെച്ചൂർ സെൻ്റ് മേരീസ് പള്ളിയിൽ പരിശുദ്ധ കന്യകാമറിയത്തിൻ്റെ പിറവി തിരുനാളിന് കൊടിയേറി.
ഇന്നലെ വൈകുന്നേരം 6.5ന് ഫരീദാബാദ്-ഡൽഹി അതിരൂപതാ മെത്രാപ്പോലീത്ത മാർ കുര്യാക്കോസ് ഭരണികുളങ്ങരയുടെ മുഖ്യകാർമ്മികത്വത്തിലാണ് തിരുനാളിന് കൊടിയേറ്റിയത്.

വികാരി ഫാ. പോൾ ആത്തപ്പിള്ളി, സഹവികാരി ഫാ. ആൻ്റണി കളത്തിൽ തുടങ്ങിയവർ സഹകാർമികത്വം വഹിച്ചു. എട്ടിനാണ് തിരുനാൾ. കൈക്കാരൻ വക്കച്ചൻ മണ്ണത്താലിൽ,എബ്രഹാം റോജിഭവൻ, വൈസ് ചെയർമാൻ സേവ്യർ മീനപ്പള്ളി, പാരീഷ് കൗൺസിൽ സെക്രട്ടറി റോബിൻ മണ്ണത്താലിൽ തുടങ്ങിയവർ നേതൃത്വം നൽകി.