കുറവിലങ്ങാട്: ബിരുദ ബിരുദാനന്തര കോഴ്സുകളിൽ റാങ്കുകളുടെ സുവർണനേട്ടവുമായി ദേവമാതയിലെ ഗണിത ശാസ്ത്രവിഭാഗം ശ്രദ്ധ നേടുന്നു. പി.ആർ. ശ്രീലക്ഷ്മിയാണ് ഇത്തവണ എം.എസ് സി. മാത്തമാറ്റിക്സിൽ ഒന്നാം റാങ്ക് നേടിയത്. മരങ്ങാട്ടുപിള്ളി ആണ്ടൂർ പുതുശേരിപറമ്പിൽ പി.വി. രാജീവിന്റേയും ശ്രീലതയുടേയും മകളായ ഈ മിടുക്കി 2021ൽ ബി.എസ്‌സി. മാത്തമാറ്റിക്സിൽ നാലാം റാങ്കും ദേവമാതയ്ക്ക് നേടിത്തന്നിരുന്നു.
എം.ജി. യൂണിവേഴ്സിറ്റിയിലെ ഗണിതശാസ്ത്ര കോഴ്സുകളിൽ ഒന്നാം റാങ്കുകൾ തുടർച്ചയായ മൂന്നാം വർഷവും ദേവമാതയിലെ വിദ്യാർത്ഥികൾ നേടിയെടുത്തത് ഗണിതശാസ്ത്രവിഭാഗത്തിനും കോളജിനും ഏറെ അഭിമാനകരമായ നേട്ടമാണ്. 2021 ൽ ഗണിതശാസ്ത്രബിരുദത്തിൽ നേടിയ ഒന്നാം റാങ്കിന് ഇരട്ടി മധുരം സമ്മാനിച്ചാണ് കഴിഞ്ഞവർഷം ബിരുദാനന്തര തലത്തിലേക്കും ഒന്നാം റാങ്ക് എത്തിയത്. എസ്. ശ്രീലക്ഷ്മിയാണ് അന്ന് ഒന്നാം റാങ്ക് ജേതാവായത്. 2021 ൽ റിച്ചാ സെബാസ്റ്റ്യൻ ബിരുദ തലത്തിൽ ഒന്നാം റാങ്ക് നേടി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
2014 ൽ ആരംഭിച്ച എം.എസ് സി. മാത്തമാറ്റിക്സിൽ കഴിഞ്ഞ എട്ട് ബാച്ചുകളിലൂടെ രണ്ട് ഒന്നാം റാങ്കടക്കം ആദ്യനിരയിലെ അഞ്ച് റാങ്കുകൾ ദേവമാതയിലേക്ക് എത്തിയിട്ടുണ്ട്. 2021-ൽ ഗണിത ശാസ്ത്രബിരുദത്തിൽ ആദ്യ പത്ത് റാങ്കുകളിൽ അഞ്ചെണ്ണവും ദേവമാത യ്ക്ക് സ്വന്തമായിരുന്നു. റാങ്ക് ജേതാവായ പി.ആർ. ശ്രീലക്ഷ്മിയെ പ്രിൻസിപ്പൽ ഡോ. സുനിൽ സി. മാത്യു, വൈസ് പ്രിൻസിപ്പൽ ഫാ. ഡിനോയി കവളമ്മാക്കൽ, വകുപ്പ് മേധാവി ജ്യോതി തോമസ് എന്നിവർ അഭിനന്ദിച്ചു.