കുറവിലങ്ങാട്ടെ വിവിധ തീർത്ഥാടന കേന്ദ്രങ്ങൾ സന്ദർശിച്ച് പരിശുദ്ധ ബ​സേ​ലി​യോ​സ് മാ​ർ​ത്തോ​മ്മാ മാ​ത്യൂ​സ് ത്രി​തീ​യ​ൻ

കുറവിലങ്ങാട്: എ.ഡി. 1599-ൽ നടന്ന ഉദയപേരൂർ സൂനഹദോസ് വരെ അവിഭക്ത മാ​ർ​ത്തോ​മ്മാ ന​സ്രാ​ണി സ​ഭ​യ്ക്കു നേതൃത്വം ന​ൽ​കി​യി​രു​ന്ന അ​ർ​ക്ക​ദി​യാ​ക്കോ​ന്മാ​ർ അ​ന്ത്യ​വി​ശ്ര​മം​ കൊ​ള്ളു​ന്ന പ​ക​ലോ​മ​റ്റം ത​റ​വാ​ട് പ​ള്ളി​യി​ലും എ.ഡി.335-ൽ ലോകത്തിലാദ്യമായി മാതാവ് പ്രത്യക്ഷപ്പെട്ട് സ്ഥാനനിർണ്ണയം നടത്തിയ സ്ഥലത്ത് നിർമ്മിച്ച, സിറോ മലബാർ സഭയുടെ പ്രഥമ  എപ്പിസ്കോപ്പൽ ദേവാലയമായ കുറവിലങ്ങാട്  മേജർ ആർക്കി എപ്പിസ്കോപ്പൽ മർത്ത് മറിയം ആർച്ച്ഡീക്കൻ തീർത്ഥാടന ദേവാലയത്തിലും ഓർത്തഡോൿസ്‌ സ​ഭ പ​ര​മാ​ധ്യ​ക്ഷ​ൻ പരിശുദ്ധ ബ​സേ​ലി​യോ​സ് മാ​ർ​ത്തോ​മ്മാ മാ​ത്യൂ​സ് ത്രി​തീ​യ​ൻ കാ​തോ​ലി​ക്കാ ബാ​വ സ​ന്ദ​ർ​ശ​നം ന​ട​ത്തി. 

സ​ഭൈ​ക്യ ചി​ന്ത​ക​ളു​ണ​ർ​ത്തി​യാ​ണ് പ​ക​ലോ​മ​റ്റം ത​റ​വാ​ട് പ​ള്ളി​യി​ലും ന​സ്രാ​ണി​ക​ളു​ടെ ത​റ​വാ​ടാ​യ കു​റ​വി​ല​ങ്ങാ​ട് പ​ള്ളി​യി​ലും  കാ​തോ​ലി​ക്കാ ബാ​വ ച​രി​ത്ര​സ​ന്ദ​ർ​ശ​നം ന​ട​ത്തി​യ​ത്. പ​ക​ലോ​മ​റ്റം ത​റ​വാ​ട് പ​ള്ളി​യി​ലെ​ത്തി​യ കാ​തോ​ലി​ക്കാ ബാ​വ​യെ പാ​ലാ രൂ​പ​താ​ധ്യ​ക്ഷ​ൻ മാ​ർ ജോ​സ​ഫ് ക​ല്ല​റ​ങ്ങാ​ട്, ആ​ർ​ച്ച്പ്രീ​സ്റ്റ് റ​വ.​ഡോ. അ​ഗ​സ്റ്റി​ൻ കൂ​ട്ടി​യാ​നി​യി​ൽ തു​ട​ങ്ങി​യ​വ​ർ ചേർന്ന് സ്വീ​ക​രി​ച്ചു. അ​ർ​ക്ക​ദി​യാ​ക്കോ​ന്മാ​രു​ടെ ക​ബ​റി​ട​ത്തി​ങ്ക​ൽ കു​രി​ശാ​കൃ​തി​യി​ലു​ള്ള പു​ഷ്പ​ച​ക്രം സ​മ​ർ​പ്പി​ച്ച കാ​തോ​ലി​ക്കാ ബാ​വ പ്ര​ത്യേ​ക പ്രാ​ർ​ത്ഥ​ന​ക​ളും ന​ട​ത്തി.

ചരിത്ര പ്രാധാന്യമുള്ള സന്ദർശനമെന്നാണ് സഭ ഇതിനെ കാണുന്നത്. പോർച്ചുഗീസുകാരുടെ ആഗമനത്തിന് മുന്നേ കേരളത്തിലെ മുഴുവൻ ക്രിസ്ത്യാനി സഭകളുടെയും തലവനായി പ്രവർത്തിച്ചവരായിരുന്നു അർക്കാദിയാക്കോൻമാർ. കാലംചെയ്ത ഈ പിതാക്കന്മാരെ അനുസ്മരിക്കുകയായിരുന്നു സന്ദർശന ഉദ്ദേശ്യം. 

കു​റ​വി​ല​ങ്ങാ​ട് മേ​ജ​ർ ആ​ർ​ക്കി​എ​പ്പി​സ്‌​കോ​പ്പ​ൽ മ​ർ​ത്ത്മ​റി​യം അ​ർ​ക്ക​ദി​യാ​ക്കോ​ൻ തീ​ർ​ഥാ​ട​ന ദേ​വാ​ല​യ​ത്തി​ലെ​ത്തി പ്രാ​ർ​ഥി​ച്ച കാ​തോ​ലി​ക്ക ബാ​വ യോ​ഗ​പ്ര​തി​നി​ധി​ക​ളും വി​വി​ധ സം​ഘ​ട​നാ​ഭാരവാഹി​ക​ളും ഉ​ൾ​ക്കൊ​ള്ളു​ന്ന സ​മ്മേ​ള​ന​ത്തി​ലും പ​ങ്കെ​ടു​ത്താ​ണ് മ​ട​ങ്ങി​യ​ത്. കാ​തോ​ലി​ക്കാ ബാ​വ​യ്ക്ക് കു​റ​വി​ല​ങ്ങാ​ട് മു​ത്തി​യ​മ്മ​യു​ടെ ഐ​ക്ക​ൺ ചി​ത്രം മാ​ർ ജോ​സ​ഫ് ക​ല്ല​റ​ങ്ങാ​ട്ട് സ​മ്മാ​നി​ച്ചു.