ആലപ്പുഴ: വിജിലൻസ് കുട്ടനാട്ടിലെ കള്ളുഷാപ്പുകളില്‍ നടത്തിയ റെയ്ഡില് ഒരു ഷാപ്പിന്റെ മാനേജർ അറസ്റ്റിലായി. പൂപ്പള്ളിയിലെ ആറ്റുമുഖം ഷാപ്പ് മാനേജർ ബിനേഷ് ആണ് അറസ്റ്റിലായത്.ഇയാള്‍ ലൈസൻസില്ലാതെയാണ് കള്ള് വില്പന നടത്തിയിരുന്നത്. ഇന്നലെ രാത്രിയാണ് ബിനേഷിനെ അറസ്റ്റ് ചെയ്തത്.റെയ്ഡില് ആറ് ഷാപ്പുകളില്‍ അളവില്‍ കൂടുതല്‍ കള്ള് കണ്ടെത്തി. ചേർത്തല വയലാറിലെ പാഞ്ചാലി ഷാപ്പ്, കുട്ടനാട് പൂപ്പള്ളിയിലെ ആറ്റുമുഖം ഷാപ്പ്, മാവേലിക്കര മണ്‍കുടം ഷാപ്പ്, കായംകുളം നടക്കാവിലുള്ള മേനാംപള്ളി ഷാപ്പ്, ചെങ്ങന്നൂർ കിളിയന്തറ കള്ളുഷാപ്പ് എന്നിവിടങ്ങളിലാണ് ക്രമക്കേട് കണ്ടെത്തിയത്.അളവില്‍ കൂടുതല്‍ കള്ള് സംഭരണം കണ്ടെത്തിയ ഷാപ്പുകള്‍ക്കെതിരെ ജാമ്യമില്ലാ വകുപ്പ് പ്രകാരം എക്സൈസ് കേസെടുത്തിട്ടുണ്ട്. അളവില്‍ കൂടുതല്‍ കള്ള് ഷാപ്പുകളില്‍ സംഭരിക്കുന്നുവെന്ന രഹസ്യവിവരത്തിന്‍റെ അടിസ്ഥാനത്തിലാണ് വിജിലൻസ് റെയ്ഡ് നടന്നത്. ഇതിനിടെയാണ് ലൈസൻസില്ലാതെ ഷാപ്പ് പ്രവര്‍ത്തിക്കുന്നത് പിടികൂടിയത്.
ലൈസൻസ് ഇല്ലാതെ കള്ള് വില്പന; കുട്ടനാട്ടിൽ വിജിലൻസ് റെയ്‌ഡിൽ ഷാപ്പ് മാനേജർ അറസ്റ്റിൽ
