കോട്ടയം: കൊട്ടാരക്കര – ദിണ്ടുഗല്‍ ദേശീയ പാതയില്‍ വളഞ്ഞങ്ങാനത്തിന് സമീപം ശബരിമല തീർത്ഥാടകരുടെ ബസും സ്വകാര്യബസും കൂട്ടിയിടിച്ച് അപകടം. തിങ്കളാഴ്ച ഉച്ചകഴിഞ്ഞ് 12 മണിയോടെയായിരുന്നു സംഭവം. കർണാടക സ്വദേശികളായ തീർത്ഥാടകർ സഞ്ചരിച്ചിരുന്ന വാഹനമാണ് അപകടത്തിൽപ്പെട്ടത്.
Advertisements
ഇവർ സഞ്ചരിച്ചിരുന്ന ബസ് വളഞ്ഞങ്ങാനത്തിനും മുറിഞ്ഞപുഴയ്ക്കും ഇടയിലുള്ള വളവിൽ വെച്ച് സ്വകാര്യ ബസ്സിൽ ഇടിക്കുകയായിരുന്നു എന്നാണ് ലഭിക്കുന്ന വിവരം. അപകടത്തിൽ ആർക്കും പരിക്കേറ്റതായി റിപ്പോർട്ട് ചെയ്തിട്ടില്ല. അതേസമയം അപകടത്തിൽപ്പെട്ട സ്വകാര്യ ബസ് റോഡ് സൈഡിലെ ബാരിക്കേഡിൽ ഇടിച്ചു നിന്നതിനാൽ വൻ ദുരന്തമാണ് ഒഴിവായതെന്ന് നാട്ടുകാർ പറയുന്നു.
