കോട്ടയം : ജാഗ്രത ന്യൂസ് വാർത്ത തുണച്ചതോടെ വീട് വിട്ടിറങ്ങിയ ലാബ്രഡോർ ഒരു മണിക്കൂറിനു ശേഷം ഉടമയുടെ കയ്യിൽ എത്തി. കൊല്ലാട് കുന്നമ്പള്ളിയിൽ അലഞ്ഞു തിരിഞ്ഞ് നടന്ന ലാബ്രഡോർ ഇനത്തിൽപ്പെട്ട നായയെയാണ് ജാഗ്രത ന്യൂസ് വാർത്തയെ തുടർന്ന് ഉടമയ്ക്ക് തിരികെ ലഭിച്ചത്. ഇന്ന് വൈകിട്ട് എട്ടരയോടു കൂടിയാണ് മൂലവട്ടം കുന്നമ്പള്ളി ഭാഗത്ത് നായയെ അലഞ്ഞുതിരിയുന്ന നിലയിൽ നാട്ടുകാർ കണ്ടെത്തിയത്. തുടർന്ന് നാട്ടുകാർ നായയെ പിടിച്ചു കെട്ടുകയായിരുന്നു. ഇതിനുപിന്നാലെ ജാഗ്രത ന്യൂസ് ലൈവ് വാർത്ത ശ്രദ്ധയിൽപ്പെട്ടതോടെ ഉടമ സ്ഥലത്ത് എത്തി നായയെ ഏറ്റുവാങ്ങി. പ്രദേശവാസിയായ തമിഴ്നാട് സ്വദേശിയുടെ ഉടമസ്ഥതയിലുള്ള നായ ആയിരുന്നു ഇത്.
Advertisements
