കോട്ടയം: ലഹരിയ്‌ക്കെതിരെ ഷട്ടിലടിയ്ക്കാം. ജാഗ്രതാ ന്യൂസ് ലൈവന്റെ ഷട്ടിൽ ടൂർണമെന്റാണ് ലഹരിയ്‌ക്കെതിരായ പോരാട്ടമായി മാറുന്നത്. ആഗസ്റ്റ് 25 നും 26നും കോട്ടയം ഇൻഡോർ സറ്റേഡിയത്തിലാണ് മത്സരം നടക്കുക. സംസ്ഥാനത്തു നിന്നും പുറത്തു നിന്നുമുള്ള രാജ്യാന്തര താരങ്ങൾ അടക്കമുള്ളവർ മത്സരത്തിൽ പങ്കെടുക്കും. രണ്ട് വിഭാഗങ്ങളിലായാണ് മത്സരങ്ങൾ നടക്കുക. ഡി ലെവൽ ടൂർണമെന്റിൽ 7000 രൂപയും ട്രോഫിയുമാണ് ഒന്നാം സമ്മാനം. റണ്ണേഴ്‌സ് അപ്പിന് 3000 രൂപയും, ട്രോഫിയും, സെമി ഫൈനലിസ്റ്റുകൾക്കും 1000 രൂപയും, ട്രോഫിയുമാണ് സമ്മാനം. ക്വാർട്ടർ ഫൈനലിൽ മത്സരിക്കുന്ന എല്ലാ താരങ്ങൾക്കും ട്രോഫിയും ലഭിക്കും. ഓപ്പൺ ടൂർണമെന്റിൽ 15000 രൂപയും ട്രോഫിയുമാണ് താരങ്ങൾക്ക് ലഭിക്കുക. വിജയികൾക്കും ട്രോഫിയും പ്രൈസ് മണിയും ഉണ്ട്. ആൽക്കോൺ കോൺട്രാക്ടിംങ് ആണ് ടൂർണമെന്റിന്റെ പ്രധാന സ്‌പോൺസർ. കേരളത്തിലെ ഏറ്റവും മികച്ച പ്ലൈവുഡ് നിർമ്മാതാക്കളായ എം.ജെ ആന്റ് കമ്പനിയാണ് സഹ സ്‌പോൺസർമാർ. ജെ.എൻ ഫിഷറീസും, ഈരയിൽക്കടവ് ആൻസ് കൺവൻഷൻ സെന്ററും സമ്മാനങ്ങൾ സ്‌പോൺസർ ചെയ്യുന്നുണ്ട്.
