കോട്ടയം : ജാഗ്രത വാർത്ത തുണയായി ലോട്ടറി തട്ടിപ്പിലൂടെ കബളിപ്പിക്കപ്പെട്ട പ്ലാമൂട് സ്വദേശിക്ക് സഹായവുമായെത്തിയവർ നിരവധിപേർ. പ്ലാമൂട് സ്വദേശിയായ രാജേഷ് ഇന്നലെയാണ് ബസ്സിനുള്ളിൽ വെച്ച് കബളിപ്പിക്കപ്പെട്ടത്. ഇയാളുടെ കൈവശമുണ്ടായിരുന്ന പുതിയ ലോട്ടറി വാങ്ങിയ ശേഷം പകരം പഴയ ലോട്ടറികൾ നൽകി അജ്ഞാതൻ മുങ്ങുകയായിരുന്നു. ബുധൻ വൈകുന്നേരം 4 മണിയോടെയായിരുന്നു സംഭവം. കോട്ടയത്തു നിന്നും വിൽപ്പനയ്ക്കായി ലോട്ടറി വാങ്ങിയ ശേഷം ബസിൽ പാക്കിൽ ഭാഗത്തേക്ക് സഞ്ചരിക്കുമ്പോഴായിരുന്നു ടിക്കറ്റ് വാങ്ങാനെന്ന വ്യാജേന അജ്ഞാതൻ ഇയാളുടെ പക്കൽ നിന്നും ടിക്കറ്റുകൾ വാങ്ങിയ ശേഷം കടന്നു കളഞ്ഞത്. 80 ടിക്കറ്റുകളിരുന്നു രാജേഷിൻ്റെ കൈവശം ഉണ്ടായിരുന്നത്. അംഗപരിമിതനായ രാജേഷ് ലോട്ടറി വിറ്റും പത്രം വിതരണം ചെയ്തും ലഭിക്കുന്ന വരുമാനത്തിലാണ് കുടുംബം നോക്കിയിരുന്നത്. ഇന്ന് രാവിലെയാണ് ജാഗ്രത ന്യൂസ് ഇത് സംബന്ധിച്ച് ലൈവ് വാർത്ത നൽകിയത് . എന്നാൽ വാർത്ത എത്തി മണിക്കൂറുകൾ പിന്നിടും മുമ്പ് സഹായവുമായി ആളുകൾ രംഗത്തെത്തുകയായിരുന്നു. ഇവർ അടുത്ത ദിവസത്തേക്കുള്ള ടിക്കറ്റ് എടുക്കുവാനുള്ള പണമാണ് തജേഷിനും കുടുംബത്തിനും നൽകിയത്.
ജാഗ്രത വാർത്ത തുണയായി ! ലോട്ടറി തട്ടിപ്പിലൂടെ കബളിപ്പിക്കപ്പെട്ട അംഗപരിമിതനായ പ്ലാമൂട് സ്വദേശിക്ക് സഹായവുമായെത്തി സുമനസ്സുകൾ ; പണവുമായെത്തിയത് ജാഗ്രത നൽകിയ ലൈവ് വാർത്ത കണ്ട്
