രാമപുരം : എസ് എച്ച് എൽ പി സ്കൂളിലെ ഈ വർഷത്തെ ഓണാഘോഷം ‘പൊന്നോണം 2023’ ഏറെ വ്യത്യസ്തതകൾ നിറഞ്ഞതായിരുന്നു. വിഭവ സമൃദ്ധമായ ഓണ സദ്യ കുട്ടികൾക്കും മാതാപിതാക്കൾക്കുമായി തയാറാക്കുന്നതിനും വിളമ്പുന്നതിനും ഈ സ്കൂളിലെ മാതാപിതാക്കളും അധ്യാപകരും ഒറ്റകെട്ടായി പ്രവർത്തിച്ചു. ഓണഘോഷത്തോടനുബന്ധിച്ചുള്ള ഓണക്കളികൾ കുട്ടി മഹാബലി ഉദ്ഘാടനം ചെയ്തത് ഏറെ ശ്രദ്ധ നേടി.
കുട്ടികൾക്കായി വടംവലി മത്സരം, കസേര കളി മത്സരം എന്നിവയും മാതാപിതാക്കൾക്കായി കുപ്പിയിൽ വെള്ളം നിറക്കൽ, തിരി കത്തിച്ചു ഓട്ടം എന്നീ മത്സരങ്ങളും നടത്തപ്പെട്ടു. പൊന്നോണം 2023 സമ്മേളനത്തിൽ അധ്യക്ഷപദമലങ്കരിച്ചത് സ്കൂൾ മാനേജർ റവ. ഡോ. ജോർജ് വർഗീസ് ഞാറക്കുന്നേലച്ചനായിരുന്നു. രാമപുരം മുൻ എ ഇ ഒ. ജോസഫ് കെ. കെ ഓണസന്ദേശം കുട്ടികൾക്ക് നൽകി. സ്കൂൾ ഹെഡ്മിസ്ട്രെസ് സി. ആനി സിറിയക്, പി ടി എ പ്രസിഡന്റ്‌ ജോബി സെബാസ്റ്റ്യൻ എന്നിവർ ആശംസകൾ അർപ്പിച്ചു സംസാരിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
തുടർന്ന് മനസ്സും വയറും ഒരുപോലെ നിറക്കുന്ന വിഭവ സമൃദ്ധമായ ഓണസദ്യ മാതാപിതാക്കളും അധ്യാപകരും ചേർന്ന് വിളമ്പി. മാതാപിതാക്കളും അധ്യാപകരും പൊതുസമൂഹവും ഒറ്റക്കെട്ടായി പ്രവർത്തിച്ചപ്പോൾ ഈ വർഷത്തെ ഓണാഘോഷം അവിസ്മരണീയമായി മാറി.
