ഏറ്റുമാനൂർ: പോണ്ടിച്ചേരി സ്വദേശി ശിവകുമാര്‍ എസ്-ഉം കോട്ടയം സ്വദേശി ബാംഗ്ലൂരില്‍ താമസക്കാരിയുമായ നിഖില ഹരികുമാറും തെള്ളകം ചൈതന്യ പാസ്റ്ററല്‍ സെന്‍ററിൽ വച്ച് ഇരുവരും വിവാഹിതരായ ഉടൻ വിവാഹ രജിസ്ട്രേഷനായി അതിരമ്പുഴ ഗ്രാമ പഞ്ചായത്തിലെത്തി. 20 മിനിട്ടിനകം രജിസ്ട്രേഷന്‍ നടപടികൾ പഞ്ചായത്ത് ഉദ്യോഗസ്ഥർ പൂര്‍ത്തിയാക്കി മാതൃകയായി. ഇരുവരും ഓസ്ട്രിയയിൽ വിയന്ന മെഡിക്കൽ യൂണിവേഴ്സിറ്റിയില്‍ റിസര്‍ച്ച് വിദ്യാര്‍ത്ഥികളാണ്.
പഞ്ചായത്ത് പ്രസിഡന്‍റ് ശ്രീ സജി തടത്തില്‍, സെക്രട്ടറി മിനി മാത്യു, ജൂനിയര്‍ സൂപ്രണ്ട് ശ്രീ രമ്യ സൈമണ്‍ എന്നിവർ മറ്റു ജീവനക്കാരെ സാക്ഷിയാക്കി നവ മിഥുനങ്ങള്‍ക്ക് വിവാഹ സര്‍ട്ടിഫിക്കറ്റ് നല്‍കി, വിവാഹ ആശംസകള്‍ നേര്‍ന്നു. ഇരുവരും പഞ്ചായത്ത് പ്രസിഡന്‍റിനോടും ജീവനക്കാരോടും ഉടൻ ലഭിച്ച സേവനത്തിന് സന്തോഷം പ്രകടിപ്പിച്ച് കോയമ്പത്തൂര്‍ക്ക് യാത്രയായി.
