അഞ്ചാലുംമൂട്: യുവതിയെ വിവാഹ വാഗ്ദാനം നല്‍കി പീഡിപ്പിച്ച കേസില്‍ യുവാവ് പിടിയിലായി.കുഴിമതിക്കാട് സ്വദേശി റോഷിത്ത് (27) ആണ് പിടിയിലായത്. തൃക്കടവൂര്‍ കോട്ടക്കകം സ്വദേശിനിയായ യുവതിയെ പീഡിപ്പിച്ച കേസിലാണ് അറസ്റ്റ്. ഒരു വര്‍ഷത്തിലേറെയായി ഇയാള്‍ യുവതിയെ വിവാഹ വാഗ്ദാനം നല്‍കി പീഡിപ്പിക്കുകയായിരുന്നെന്ന് പൊലീസ് പറഞ്ഞു. തെന്മലയിലെ ലോഡ്ജില്‍ ഉള്‍പ്പെടെ യുവതിയെ എത്തിച്ച്‌ പീഡനം നടത്തിയതായും പൊലീസ് പറഞ്ഞു.
യുവാവ് മറ്റൊരു വിവാഹം ചെയ്യാന്‍ തയാറെടുക്കുന്നതിനിടെയാണ് യുവതി അഞ്ചാലുംമൂട് പൊലീസില്‍ പരാതി നല്‍കിയത്.
സി.ഐ ദേവരാജന്റെ നേതൃത്വത്തില്‍ എസ്.ഐമാരായ റഹീം, ശ്യാം, ഷബ്ന, എ.എസ്.ഐമാരായ ബാബുക്കുട്ടന്‍, രാജേഷ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
