കൊച്ചി : മെഡിക്കൽ വിദ്യാഭ്യാസ വകുപ്പിൽ
ഡയാലിസിസ് വിഭാഗത്തിൽ
ലാബ് അസിസ്റ്റന്റുമാരുടെ
പുതിയ തസ്തിക സൃഷ്ടിച്ച എൽ.ഡി.എഫ് സർക്കാരിന്
അഭിവാദ്യങ്ങൾ അർപ്പിച്ച് കേരള എൻ.ജി.ഒ യൂണിയൻ എറണാകുളം ജില്ലാ കമ്മിറ്റിയുടെ ആഭിമുഖ്യത്തിൽ മെഡിക്കൽ കോളേജിന് മുന്നിൽ ആഹ്ലാദ പ്രകടനം നടത്തി. കോവിഡ് മാനദണ്ഡ പ്രകാരം നടന്ന പരിപാടി കേരള എൻജി ഒ യൂണിയൻ ജില്ലാ പ്രസിഡന്റ് കെ.എസ്.ഷാനിൽ ഉദ്ഘാടനം ചെയ്തു.
Advertisements
ജില്ലാ സെക്രട്ടേറിയറ്റ് അംഗം ഡി.പി.ദിപിൻ, ജില്ലാ കമ്മിറ്റി അംഗങ്ങളായ ടി.വി.സിജിൻ, കെ.ആർ. ദിനേശ് കുമാർ, സംസ്ഥാന കൗൺസിൽ അംഗങ്ങളായ മുഹമ്മദ് അഫ്സൽ ഇ.എ.,സിന്ധുരാജേഷ് എന്നിവർ സംസാരിച്ചു.തിരുവനന്തപുരം,ആലപ്പുഴ,കോഴിക്കോട് മെഡിക്കൽ കോളേജുകളിൽ 4 വീതവും കോട്ടയം, തൃശൂർ, മഞ്ചേരി, എറണാകുളം, ഇടുക്കി, കൊല്ലം എന്നിവിടങ്ങളിൽ 2 വീതവും ആകെ 24 തസ്തികകളാണ് അനുവദിച്ചത്.
