തിരുവല്ല : എം സി റോഡിലെ ആഞ്ഞിലിമൂട് ജംഗ്ഷനിൽ അഞ്ച് വാഹനങ്ങൾ കൂട്ടിയിടിച്ച് യുവതിക്ക് പരിക്കേറ്റു. പന്തളം സ്വദേശിയായ യുവതിക്കാണ് പരിക്കേറ്റത്. തുകലശേരി ആഞ്ഞിലിമൂട് ജംഗ്ഷന് സമീപത്തെ കൊടുംവളവിൽ ഇന്ന് ഉച്ചകഴിഞ്ഞ് ആയിരുന്നു അപകടം. ചെങ്ങന്നൂർ ഭാഗത്തേക്ക് പോയ കാർ എതിരെ വന്ന ഓട്ടോ കാബിലും കാറിലും ഇടിക്കുകയായിരുന്നു.
Advertisements
ഈ വാഹനങ്ങൾ നിയന്ത്രണംവിട്ട് റോഡരുകിൽ പാർക്ക് ചെയ്തിരുന്ന രണ്ടു വാഹനങ്ങളിൽ ഇടിച്ചു. പന്തളത്ത് നിന്നും തിരുവല്ലയിലേക്ക് പോയ ഓട്ടോ കാബ് നിയന്ത്രണം വിട്ട് മറിഞ്ഞു. ഇതിൽ സഞ്ചരിച്ച യുവതിക്കാണ് പരിക്കേറ്റത്. ഇവർ താലൂക്ക് ആശുപത്രിയിൽ ചികിത്സതേടി. തിരുവല്ല പോലീസ് കേസെടുത്തു.
