കോട്ടയം : എം സി റോഡിൽ കോടിമത പള്ളിപ്പുറത്ത് കാവിന് സമീപം മയൂരി ഷോറൂമിന് മുന്നിൽ ലോറിയിൽ നിന്നും ഗോതമ്പ് ചാക്ക് കെട്ട് റോഡിൽ വീണു. ലോറിയിൽ നിന്നും കെട്ടഴിഞ്ഞ് ചാക്കുകെട്ടുകൾ കൂട്ടത്തോടെ റോഡിൽ വീഴുകയായിരുന്നു. ഇതോടെ എം സി റോഡിൽ വൻ ഗതാഗത തടസവും ഉണ്ടായി. ചിങ്ങവനം എഫ് സി ഐ യിലേക്ക് ഗോതമ്പുമായി പോയ ലോറിയുടെ കയർ കെട്ടഴിഞ്ഞാണ് ഗോതമ്പ് ചാക്കുകൾ എം സി റോഡിൽ നിലം പതിച്ചത്.
Advertisements
അറുപതോളം ഗോതമ്പ് ചാക്കുകൾ ആണ് എം സി റോഡിൽ വീണത്. തുടർന്ന് റോഡിൽ ഗോതമ്പ് നിരന്നു കിടക്കുകയും ഗതാഗതം തടസ്സപ്പെടുകയും ചെയ്തു. ഉച്ച ഉച്ചയ്ക്ക് 2:30 ആയിരുന്നു സംഭവം. വെസ്റ്റ് പോലീസിന്റെ നേതൃത്വത്തിൽ റോഡിൽ തെറിച്ച ഗോതമ്പ് നീക്കം ചെയ്തു. ഒരു മണിക്കൂറോളം പണിപ്പെട്ടാണ് ഗോതമ്പ് ചാക്കുകൾ തിരികെ ലോറിയിലേക്ക് കയറിയത്. ഈ സമയമത്രയും എംസി റോഡിൽ വൻ ഗതാഗത കുരുക്കും അനുഭവപ്പെട്ടു.
