ന്യൂഡൽഹി : കളിക്കളത്തില്‍ പന്തുകൊണ്ട് മായാജാലം തീർക്കുന്ന ലിയോണല്‍ മെസ്സി ഒരു ക്രിക്കറ്റ് കളിക്കാരനായിരുന്നെങ്കില്‍ എങ്ങനെ ഉണ്ടാകും?കൗതുകം ഉണ്ടാക്കുന്ന ചോദ്യമാണ്. എന്നാല്‍, വെറും കൗതുകം എന്നതിനപ്പുറം സച്ചിൻ ടെണ്ടുല്‍ക്കർ, മഹേന്ദ്രസിംഗ് ധോണി, അടക്കമുള്ള ഇന്ത്യൻ ക്രിക്കറ്റിലെ സൂപ്പർ താരങ്ങളോടൊപ്പം മെസ്സി ബാറ്റ് വീശാൻ ഒരുങ്ങുന്നു എന്ന വാർത്തയാണ് ഇപ്പോള്‍ പുറത്തുവരുന്നത്.
ഡിസംബറില്‍ ഇന്ത്യയില്‍ എത്തുന്ന മെസ്സിയുമായി ഒരു പ്രദർശന മത്സരം നടത്താനാണ് അധികൃതർ ലക്ഷ്യമിടുന്നത്. ഏഴ് കളിക്കാർ അടങ്ങുന്ന രണ്ട് ടീമുകളായി തിരിച്ചായിരിക്കും മത്സരങ്ങള്‍ നടക്കുക. എന്നാല്‍, മത്സരം നടത്തുന്ന കാര്യത്തില്‍ അന്തിമതീരുമാനം ഇനിയും വരേണ്ടതുണ്ട്. അതിന് ശേഷം മാത്രമേ അന്തിമ മത്സരക്രമം പുറത്തുവിടുകയുള്ളു എന്നാണ് റിപ്പോർട്ടുകള്‍. കൂടാതെ, ഡിസംബറില്‍ ഇന്ത്യയില്‍ എത്തുന്ന മെസ്സി, മുംബൈക്ക് പുറമെ കൊല്‍ക്കത്ത, ഡല്‍ഹി എന്നി നഗരങ്ങള്‍ സന്ദർശിക്കുമെന്നും റിപ്പോർട്ടുകള്‍ ഉണ്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
‘ലിയോണല്‍ മെസി ഡിസംബർ 14ന് വാങ്കഡെ സ്റ്റേഡിയത്തില്‍ എത്തും. ഇവിടെ അദ്ദേഹം ഒരു ക്രിക്കറ്റ് മത്സരത്തിലും പങ്കെടുക്കും. മുൻ ഇന്ത്യൻ ക്രിക്കറ്റ് താരങ്ങളും, നിലവിലെ താരങ്ങളും ഉള്‍പ്പെടെയുള്ളവർ മത്സരത്തിന്റെ ഭാഗമാകുമെന്നും ‘ദി ഇന്ത്യൻ എക്സ്പ്രസ്സ്’ റിപ്പോർട്ട് ചെയ്യുന്നു. ഇത് ഇന്ത്യയിലേക്കുള്ള മെസ്സിയുടെ രണ്ടാം വരവാണ്. 2011 സെപ്റ്റംബറില്‍ മെസ്സി ഇന്ത്യയില്‍ എത്തിയിട്ടുണ്ട്. അന്ന് വെനസ്വേലക്കെതിരെ അദ്ദേഹം കൊല്‍ക്കത്ത സാള്‍ട്ട്ലേ സ്റ്റേഡിയത്തില്‍ ഒരു സൗഹൃദമത്സരം കളിച്ചിരുന്നു.