കോട്ടയം : എംജി സർവകലാശാല കോളേജ് യൂണിയൻ തിരഞ്ഞെടുപ്പിൽ എസ്എഫ്ഐയുടെ കോട്ടയായ നാട്ടകം ഗവൺമെൻറ് കോളേജിൽ വൻ അട്ടിമറി. കോളേജ് യൂണിയൻ ചരിത്രത്തിൽ ആദ്യമായി എസ്എഫ്ഐ സ്ഥാനാർത്ഥിയെ അട്ടിമറിച്ച് കെഎസ്‌യു. 162 വോട്ടിന്റെ ലീഡ് നേടിയാണ് കെഎസ്‌യുവിന്റെ സ്ഥാനാർത്ഥിയായി മത്സരിച്ച സെബി വി പീറ്റർ വിജയിച്ചുകയറിയത്. നാടകം ഗവൺമെൻറ് കോളേജിൽ 45 വർഷത്തിനുശേഷമാണ് കെഎസ്‌യു സ്ഥാനാർത്ഥി വിജയിച്ചു കയറുന്നത്. മുൻവർഷങ്ങളിൽ എസ്എഫ്ഐ സ്ഥാനാർത്ഥികൾ എതിരില്ലാതെ വിജയിക്കുന്നതായിരുന്നു ഇവിടെ പതിവ്. ഈ പതിവാണ് ഇക്കുറി അട്ടിമറിക്കപ്പെട്ടിരിക്കുന്നത്. കോൺഗ്രസ് എല്ലാ പ്രസിഡണ്ട് കൂടിയായ നാട്ടകം സുരേഷിന്റെ സ്വന്തം തട്ടകമാണ് നാട്ടകം ഗവൺമെൻറ് കോളേജ്. ഇദ്ദേഹത്തിൻറെ വീട്ടിൽ നിന്നും മീറ്ററുകൾ മാത്രം അകലെയാണ് നാട്ടകം കോളേജ് പ്രവർത്തിക്കുന്നത്. ഈ കോളേജിൽ ആണിപ്പോൾ വൻ അട്ടിമറി നടന്നിരിക്കുന്നത്.
എംജി സർവകലാശാല കോളേജ് യൂണിയൻ തിരഞ്ഞെടുപ്പിൽ കോട്ടയത്ത് അട്ടിമറി: 45 വർഷത്തിനുശേഷം നാട്ടകം ഗവൺമെൻറ് കോളേജിലെ ചെയർമാൻ സ്ഥാനം തിരിച്ചുപിടിച്ചു കെഎസ്‌യു : വിജയിച്ചത് നൂറിന് മുകളിൽ ഭൂരിപക്ഷം നേടി : പിടിച്ചെടുത്തത് ജില്ലാ കോൺഗ്രസ് കമ്മിറ്റി അധ്യക്ഷൻ നാട്ടകം സുരേഷിന്റെ സ്വന്തം തട്ടകം
