വൈക്കം: കോട്ടയത്തു നിന്നും കാണാതായ യുവാവിനെ തലയോലപ്പറമ്പ് പൊതി റയിൽവെ ട്രാക്കിന് സമീപം തൂങ്ങി മരിച്ച നിലയിൽ കണ്ടെത്തി. കുടമാളൂർ മമ്പള്ളിൽ പരേതനായ പ്രദീപിൻ്റെ മകൻ പ്രശാന്തി(30)നെയാണ് മരിച്ച നിലയിൽ കണ്ടെത്തിയത്. ടൈൽ നിർമ്മാണ തൊഴിലാളിയായ യുവാവിനെ കഴിഞ്ഞ 25 മുതലാണ് കാണാതായത്. തുടർന്ന് മൊബൈൽ ഫോൺ കേന്ദ്രീകരിച്ച് നടത്തിയ അന്വേഷണത്തിൽ ആപ്പാംഞ്ചിറ വൈക്കം റോഡ് റെയിൽവേ സ്റ്റേഷൻ പരിസരത്ത് നിന്നും ഇയാളുടെ സ്കൂട്ടറും ഫോണും കണ്ടെത്തിയിരുന്നു.
ഇന്ന് രാവിലെ 11.30 ഓടെ പൊതി റെയിൽവേ ട്രാക്കിന് സമീപം റെയിൽവെ പുറമ്പോക്കിലുള്ള പുളിമരത്തിൽ തൂങ്ങിയ നിലയിൽ യുവാവിൻ്റെ മൃതദേഹം കണ്ടെത്തുകയായിരുന്നു.മാനസിക പ്രശ്നം ഉണ്ടായിരുന്ന യുവാവ് ഏറെ നാളായി ചികിൽസയിലായിരുന്നുവെന്ന് ബന്ധുക്കൾ പറഞ്ഞു. തലയോലപ്പറമ്പ് എസ് ഐ പി.സ് സുധീരൻ്റെ നേതൃത്വത്തിൽ തലയോലപ്പറമ്പ് പോലീസ് മേൽനടപടികൾ സ്വീകരിച്ചു. മൃതദേഹം കോട്ടയം മെഡിക്കൽ കോളേജ് മോർച്ചറിയിലേക്ക് മാറ്റി. മാതാവ്:ഓമന.
