ഡല്‍ഹി: വിവാദ മോദി പരാമര്‍ശവുമായി ബന്ധപ്പെട്ട മാനനഷ്ടക്കേസില്‍ കോണ്‍ഗ്രസ് നേതാവ് രാഹുല്‍ ഗാന്ധി സുപ്രീം കോടതിയില്‍. ഗുജറാത്ത് ഹൈക്കോടതി വിധിക്കെതിരെ രാഹുല്‍ അപ്പീല്‍ നല്‍കി. സൂറത്ത് മജിസ്ട്രേറ്റ് കോടതി വിധി സ്റ്റേ ചെയ്യണമെന്ന രാഹുലിന്‍റെ ആവശ്യം ഗുജറാത്ത് ഹൈക്കോടതി തള്ളിയിരുന്നു.
രണ്ടു വര്‍ഷത്തെ തടവുശിക്ഷ മരവിപ്പിക്കണമെന്നും രാഹുല്‍ ഹര്‍ജിയില്‍ ആവശ്യപ്പെട്ടിരുന്നു. എന്നാല്‍ തീര്‍ത്തും നിലനില്‍ക്കാത്ത കാരണങ്ങള്‍ ചൂണ്ടിക്കാട്ടിയാണു രാഹുല്‍ ഗാന്ധി സ്റ്റേ ആവശ്യം ഉന്നയിച്ചതെന്നായിരുന്നു ഗുജറാത്ത് ഹൈക്കോടതിയുടെ നിരീക്ഷണം.രാഹുലിനെതിരെ പത്തോളം കേസുകള്‍ നിലവിലുണ്ട്. രാഷ്ട്രീയരംഗത്ത് പരിശുദ്ധി ഉണ്ടാവേണ്ടതുണ്ട്. കേംബ്രിഡ്ജില്‍ വീര സവര്‍ക്കറിന്‍റെ പേര് ഉപയോഗിച്ചതിന് അദ്ദേഹത്തിന്‍റെ കൊച്ചുമകന്‍ രാഹുലിനെതിരെ കേസ് ഫയല്‍ ചെയ്തിട്ടുണ്ടെന്നും വിധിപുറപ്പെടുവിച്ച്‌ ജസ്റ്റീസ് ഹേമന്ദ് പ്രച്ഛക്ക് വിധിയില്‍ പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കേസില്‍ നേരത്തെ പരാതിക്കാരനായ ബിജെപി എംഎല്‍എ പൂര്‍ണേശ് മോദി തടസഹര്‍ജിയുമായി സുപ്രീം കോടതിയെ സമീപിച്ചിരുന്നു. രാഹുല്‍ ഗാന്ധിയുടെ അപ്പീല്‍ പരിഗണിക്കുമ്പോള്‍ തന്‍റെ ഭാഗം കൂടി കേട്ടശേഷമേ വിധി പറയാവൂ എന്നാണ് തടസഹര്‍ജിയിലെ ആവശ്യം.
