മൂലവട്ടം: കോട്ടയം മൂലവട്ടം 1532 ആം നമ്പർ എസ്.എൻ.ഡി.പി ശാഖായോഗത്തിൽ ശ്രീനാരായണ ഗുരുദേവന്റെ മഹാസമാധി ദിനാചരണം സെപ്റ്റംബർ 21 ന് നടക്കും. ഉദ്ഘാടന സമ്മേളനവും, ത്രിദിന യജ്ഞവും, പ്രാർത്ഥാ സന്ധ്യയും, വിശ്വശാന്തി സന്ദേശവും ചടങ്ങുകളുടെ ഭാഗമായി ക്ഷേത്രത്തിൽ നടക്കും.
ചടങ്ങുകളുടെ ഭാഗമായി സെപ്റ്റംബർ 17 ശനിയാഴ്ച വൈകിട്ട് അഞ്ചിന് ഉദ്ഘാടന സമ്മേളനവും യജ്ഞാരംഭവും നടക്കും. വൈകിട്ട് അഞ്ചിന് പ്രാർത്ഥനാ സന്ധ്യ. വൈകിട്ട് അഞ്ചരയ്ക്കു ചേരുന്ന സമ്മേളനം എസ്.എൻ.ഡി.പി യോഗം കോട്ടയം യൂണിയൻ വൈസ് പ്രസിഡന്റ് വി.എം ശശി ഉദ്ഘാടനം ചെയ്യും. ശാഖാ പ്രസിഡന്റ് കെ.യു വേണു യോഗത്തിൽ അധ്യക്ഷത വഹിക്കും. വൈകിട്ട് ആറരയ്ക്ക് കുറിച്ചി അദ്വൈതാശ്രമം സെക്രട്ടറി കൈവല്യാനന്ദ സരസ്വതി സ്വാമിയുടെ മുഖ്യകാർമ്മികത്വത്തിൽ യജ്ഞം ആരംഭിക്കും. തുടർന്നു രാത്രി എട്ടരയ്ക്ക് അന്നദാനം നടക്കും. 18 ന് അഞ്ചിന് പ്രാർത്ഥനാ സന്ധ്യ. ആറരയ്ക്ക് യജ്ഞം തുടരും. 19 ന് വൈകിട്ട് അഞ്ചരയ്ക്ക് യജ്ഞം സമാപിക്കും. രാത്രി എട്ടിന് ദക്ഷിണ യജ്ഞം, യജ്ഞ പ്രസാദ വിതരണം എന്നിവ നടക്കും.
മഹാസമാധി ദിനാചരണത്തിന്റെ ഭാഗമായി സെപ്റ്റംബർ 21 ന് രാവിലെ ഏഴിന് ഗുരുപൂജ. എട്ടിന് ഗുരുദേവ ഭാഗവത പാരായണം. 10 ന് ഉപവാസ എസ്.എൻ വനിതാ സംഘത്തിന്റെയും, രവിവാരപാഠശാല കുട്ടികളുടെയും നേതൃത്വത്തിലുള്ള പ്രാർത്ഥന നടക്കും. 12.30 ന് വിശ്വശാന്തി സമ്മേളനത്തിൽ എസ്.എൻ.ഡി.പി യോഗം ചേർത്തല യൂണിയൻ ഗുരുദർശന പഠനവിഭാഗം കോ ഓർഡിനേറ്റർ മനോജ് മാവുങ്കൽ വിശ്വശാന്തി സന്ദേശം നൽകും. ശാഖാ പ്രസിഡന്റ് കെ.യു വേണു യോഗത്തിൽ അധ്യക്ഷത വഹിക്കും. ശാഖാ കമ്മിറ്റി അംഗം ബിനു എസ്.കുമാർ യോഗത്തിൽ സ്വാഗതം ആശംസിക്കും. ശാഖാ കമ്മിറ്റി അംഗം എൻ.ഗൗതമൻ നന്ദി അർപ്പിക്കും. വൈകിട്ട് 3.30 ന് സമൂഹ സദ്യ നടക്കും.
കോട്ടയം മൂലവട്ടം എസ്.എൻ.ഡി.പി ശാഖാ യോഗത്തിൽ ഗുരുദേവ സമാധി ദിനാചരണം സെപ്റ്റംബർ 21 ന്; 17 മുതൽ വിവിധ ചടങ്ങുകൾ ശാഖയിൽ നടക്കും; പ്രാർത്ഥനാ സന്ധ്യയും വിശ്വശാന്തി സന്ദേശവും നൽകും
Advertisements
