കോട്ടയം : മൂലവട്ടം കുറുപ്പംപടിയിൽ ബൈക്കും കാറും കൂട്ടിയിടിച്ച് പരിക്കേറ്റ് ചികിത്സയിലായിരുന്ന യുവാവ് മരിച്ചു. മൂലവട്ടം ആർക്കാട്ട് കുന്നേൽ അനിജിത്ത് റെജി (23) ആണ് മരിച്ചത്. കോട്ടയം മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുന്നതിനിടയാണ് മരണം സംഭവിച്ചത്. കഴിഞ്ഞ ദിവസമാണ് അനിജിത്ത് സഞ്ചരിച്ചിരുന്ന ഡ്യൂക്ക് ബൈക്കും കാറും തമ്മിൽ മൂലവട്ടം കുറുപ്പംപടിയിൽ വച്ച് കൂട്ടിയിടിച്ചത്. ബൈക്കിൽ നിന്നും തെറിച്ചു വീണ് ഗുരുതരമായി പരിക്കേറ്റ അനിജിത്ത് ദിവസങ്ങളോളമായി മെഡിക്കൽ കോളേജ് ആശുപത്രിയിൽ ചികിത്സയിൽ കഴിയുകയായിരുന്നു. മൃതദേഹം പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടുനിൽകും.
Advertisements
