ഇടുക്കി: മൂലമറ്റം വാഹനാപകടത്തിൽ ബൊലോറോ തോട്ടിലേയ്ക്കു മറിഞ്ഞു പാലാ പ്രവിത്താനം സ്വദേശി മരിച്ചു. പാലാ പ്രവിത്താനം വട്ടമറ്റത്തിൽ ജിത്തു ജോർജ് (28) ആണ് മരിച്ചത്. ഇദ്ദേഹത്തിനൊപ്പം ബൊലേറോയിലുണ്ടായിരുന്ന രാമപുരം സ്വദേശി ജോസ് വിനുവിന് സാരമായി പരിക്കേറ്റു. അറക്കുളം മൈലാടിക്ക് സമീപമാണ് ബൊലോറോ തോട്ടിലേയ്ക്കു മറിഞ്ഞത്. പാലാ വിസിബിവെ ജീവനക്കാരാണ് ഇരുവരും. ഇടുക്കി ചെറുതോണിയിലെ ഓഫിസിൽ പോയ ശേഷം മടങ്ങി വരികയായിരുന്നു ഇരുവരും. ഇതിനിടെ അറക്കുളം മൈലാടിയിൽ ബുധനാഴ്ച വൈകിട്ട് ആറു മണിയോടെയാണ് അപകടം ഉണ്ടായത്. ഇവർ സഞ്ചരിച്ച ബൊലോറോ നിയന്ത്രണം നഷ്ടമായി തോട്ടിലേയ്ക്കു മറിയുകയായിരുന്നു.
Advertisements
