അഹമദാബാദ്: എഎസ്‌ഐയെ കാമുകനായ സൈനികൻ കൊലപ്പെടുത്തി. പൊലീസ് ഉദ്യോഗസ്ഥയായ അരുണാബെൻ ജാദവ് (25) ആണ് കൊല്ലപ്പെട്ടത്.കൊലപാതകത്തിന് ശേഷം അതേ സ്റ്റേഷനില്‍ സൈനീകനായ സിആർപിഎഫ് കോണ്‍സ്റ്റബിള്‍ ദിലീപ് ഡാങ്ചിയ കീഴടങ്ങി. ഗുജറാത്തിലെ കച്ച്‌ ജില്ലയിലാണ് ദാരുണസംഭവം ഉണ്ടായത്.
കച്ചിലെ അഞ്ജർ പൊലീസ് സ്റ്റേഷനിലെ ഉദ്യോഗസ്ഥയാണ് കൊല്ലപ്പെട്ട അരുണാബെൻ ജാദവ്. സംഭവത്തില്‍ ഇവരുടെ ലിവ് -ഇൻ പങ്കാളിയായ സിആർപിഎഫ് കോണ്‍സ്റ്റബിള്‍ ദിലീപ് ഡാങ്ചിയ അരുണാബെൻ ജോലി ചെയ്തിരുന്ന അതേ പൊലീസ് സ്റ്റേഷനില്‍ എത്തി കീഴടങ്ങ‌ുകയായിരുന്നു. വെള്ളിയാഴ്ച രാത്രി അഞ്ജറിലെ വീട്ടില്‍ വച്ച്‌ അരുണാബെന്നും ദിലീപും തമ്മില്‍ വഴക്കുണ്ടായതായാണ് പൊലീസ് പറയുന്നത്. സംസാരത്തിനിടയില്‍ ദിലീപിന്റെ അമ്മയെക്കുറിച്ച്‌ അരുണ മോശം പരാമർശം നടത്തിയെന്നും തർക്കം രൂക്ഷമായതോടെ ദിലീപ് ദേഷ്യത്തില്‍ അരുണബെന്നിനെ കഴുത്തുഞെരിച്ചു കൊലപ്പെടുത്തിയെന്നുമാണ് റിപ്പോർട്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മണിപ്പുരിലെ സിആർപിഎഫില്‍ ജോലി ചെയ്തിരുന്ന ദിലീപും അരുണയും തമ്മില്‍ ദീർഘനാളായി പരിചയത്തിലായിരുന്നെന്നും വിവാഹിതരാകാൻ തീരുമാനിച്ചിരുന്നതായും പൊലീസ് അറിയിച്ചു. ഇൻസ്റ്റഗ്രാം വഴിയാണ് ഇവർ പരിചയത്തിലായത്. തുടർന്ന് ഒരുമിച്ച്‌ താമസിക്കുകയായിരുന്നെന്നും പൊലീസ് പറയുന്നു.