പത്തനംതിട്ട : ശബരിമല തീര്ത്ഥാടനത്തിന് വരുന്ന വാഹനങ്ങളില് അലങ്കാരങ്ങള് വേണ്ടെന്ന് ഹൈക്കോടതി. വാഹനം അലങ്കരിക്കുന്നത് മോട്ടോര് വാഹന ചട്ടങ്ങള്ക്ക് വിരുദ്ധമാണെന്ന് ചൂണ്ടിക്കാട്ടിയാണ് കോടതി ഉത്തരവ്. പുഷ്പങ്ങളും ഇലകളും വെച്ച് അലങ്കരിക്കുന്ന വാഹനങ്ങള്ക്കെതിരെ നടപടിയെടുക്കണം എന്നും കോടതി നിര്ദേശിച്ചു. അലങ്കരിച്ച് ഇത്തരത്തില് വരുന്ന വാഹനങ്ങളില് നിന്നും പിഴ ഈടാക്കാനും നിര്ദേശിച്ചിട്ടുണ്ട്.
Advertisements
സര്ക്കാര് ബോര്ഡ് വെച്ചു വരുന്ന വാഹനങ്ങള്ക്കെതിരെയും നടപടിയെടുക്കണമെന്ന് ഹൈക്കോടതി ദേവസ്വം ബെഞ്ച് മോട്ടോര് വാഹന വകുപ്പിന് നിര്ദേശം നല്കി. മണ്ഡല മകരവിളക്ക് തീര്ത്ഥാടനത്തിന് അടുത്തമാസം തുടക്കം കുറിക്കാനിരിക്കെയാണ് കോടതിയുടെ സുപ്രധാന ഉത്തരവ്.