ഇനി നാടൻപന്തുകളി ആഘോഷക്കാലത്തിന് തുടക്കം; തൃക്കോതമംഗലത്ത് ഇന്ന് നാടൻ പന്തുകളി ടൂർണമെന്റിന് തുടക്കം; പാമ്പാടിയും മാങ്ങാനവും ഏറ്റുമുട്ടും

കോട്ടയം: നാടൻ പന്തുകളിയുടെ ആഘോഷക്കാലത്തിന് തുടക്കമിട്ട് തൃക്കോതമംഗലം. തൃക്കോതമംഗലം നാടൻ പന്തുകളി സ്‌നേഹികൾ ഓർഗനൈസേഷനും പിഎൻപി വിടിവി ക്ലബുകളും സംയുക്തമായി നടത്തുന്ന അഖിലകേരള നാടൻ പന്തുകളി ടൂർണമെന്റ് ജനുവരി എട്ട് ഞായറാഴ്ച മുതൽ നടക്കും. തൃക്കോതമംഗലം ഗവ.വി.എച്ച്.എസ്.എസ് സ്‌കൂൾ മൈതാനത്താണ് മത്സരം നടക്കുക. മത്സരത്തിൽ ആർസി മാങ്ങാനം ടീം കിങ്‌സ് പാമ്പാടിയെ നേരിടും. ഇന്ന് രണ്ടു മണി മുതലാണ് മത്സരങ്ങൾ അരങ്ങേറുക.