കോഴിക്കോട് : നജീബിന്റെ കൊച്ചുമകൾ സഫാ മറിയം അന്തരിച്ചു. പെട്ടെന്നുണ്ടായ അസുഖത്തെ തുടർന്നാണ് നജീബിന്റെ മകന്റെ മകളായ ഒന്നരവയസുകാരി മരണപ്പെട്ടത്. സാഹിത്യകാരൻ ബെന്യാമിൻ ആണ് വിവരം സമൂഹ മാധ്യമങ്ങളിലൂടെ പങ്കുവച്ചത്. നജീബിന്റെ ജീവിതം ആസ്‌പദമാക്കിയുള്ള ആടുജീവിതം സിനിമ ഇറങ്ങാൻ ദിവസങ്ങൾ ശേഷിക്കേയാണ് ദുഖകരമായ വാർത്ത പുറത്തു വന്നത്.
Advertisements
ബെന്യമിൻ എഴുതിയ ആടുജീവിതം സിനിമയാക്കിയത് സംവിധായകൻ ബ്ലെസി ആണ്. മാർച്ച് 28നാണ് ചിത്രം തിയേറ്ററുകളിൽ എത്തുന്നത്. പൃഥ്വിരാജാണ് ചിത്രത്തിൽ നജീബായി അഭിനയിക്കുന്നത്. അമല പോളാണ് നായിക. എ.ആർ.റഹ്‌മാനാണ് ചിത്രത്തിന് സംഗീതം പകരുന്നത്.
