ഫോട്ടോ ക്യാപ്ഷൻ: ദേശീയ പണിമുടക്കിന് പിന്തുണ പ്രഖ്യാപിച്ചുകൊണ്ട് അധ്യാപക സർവീസ് സംഘടന സമര സമിതി തിരുനക്കര മൈതാനിയില്‍ സംഘടിപ്പിച്ച തൊഴിലാവകാശ സംരക്ഷണ സദസ് സിപിഐ ജില്ലാ സെക്രട്ടറി അഡ്വ. വി ബി ബിനു ഉദ്ഘാടനം ചെയ്യുന്നു.
കോട്ടയം: 9-ാം തീയതി നടക്കുന്ന രാജ്യവ്യാപക പണിമുടക്കില്‍ സര്‍ക്കാര്‍ ജീവനക്കാരും അധ്യാപകരും പങ്കാളികളാകും. പണിമുടക്കിന്റെ പ്രചരണാര്‍ത്ഥം അധ്യാപക സർവീസ് സംഘടന സമര സമിതിയുടെ നേതൃത്വത്തിൽ തൊഴിലാവകാശ സംരക്ഷണ സദസ് സംഘടിപ്പിച്ചു. തിരുനക്കരമൈതാനിയിൽ സംഘടിപ്പിച്ച സദസ് സിപിഐ ജില്ലാ സെക്രട്ടറി അഡ്വ. വി ബി ബിനു ഉദ്ഘാടനം ചെയ്തു.രാജ്യത്തെ തൊഴിലുംതൊഴിലവകാശങ്ങളും സംരക്ഷിക്കാൻ സംയുക്ത തൊഴിലാളി സംഘടനകൾ നടത്തുന്ന പണിമുടക്കം ജനവിരുദ്ധ നയങ്ങൾ പിൻതുടരുന്ന കേന്ദ്ര സർക്കാരിനെതിരായ തൊഴിലാളികളുടെ താക്കീതായി മാറുമെന്ന് സദസ് ഉദ്ഘാടനം ചെയ്തുകൊണ്ട് വി ബി ബിനു പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
തൊഴിൽ സുരക്ഷയും തൊഴിൽ നിയമങ്ങളും രാജ്യത്തെ കോർപ്പറേറ്റുകൾക്കായി അട്ടിമറിക്കുന്ന മോദി ഭരണകൂടത്തിനെതിരെ തൊഴിലാളികളുടെ സംഘടിതമായ ചെറുത്ത് നിൽപ്പ് ഉയർന്ന് വരേണ്ടതുണ്ടെന്നും ദേശീയപണിമുടക്കിൽ എല്ലാ ജീവനക്കാരും അധ്യാപകരും പങ്കെടുത്ത് രാജ്യത്തെ സംരക്ഷിക്കുന്നതിനായുള്ള പോരാട്ടത്തിന്റെ ഭാഗമാകണമെന്നും അദ്ദേഹം കൂട്ടിച്ചേർത്തു.
കെജിഓഎഫ് സംസ്ഥാന സെക്രട്ടറി കെ ബി ബിജു കുട്ടി അധ്യക്ഷത വഹിച്ചു.
യോഗത്തിൽ ജോയിന്റ് കൗൺസിൽ സംസ്ഥാന കമ്മറ്റി അംഗം എം ജെ ബെന്നിമോൻ സ്വാഗതം ആശംസിച്ചു. എഐടിയുസി ജില്ലാ സെക്രട്ടറി വി കെ സന്തോഷ് കുമാർ മുഖ്യപ്രഭാഷണം നടത്തി. അഭിവാദ്യങ്ങൾ അർപ്പിച്ചുകൊണ്ട് ജോയിന്റ് കൗൺസിൽ സംസ്ഥാന സെക്രട്ടറിയേറ്റ് അംഗം ജെ ഹരിദാസ്, എകെഎസ്‍ടിയു ജില്ലാ സെക്രട്ടറി വി എസ് ജോഷി, എന്നിവർ സംസാരിച്ചു. കെജിഓഎഫ് ജില്ലാ സെക്രട്ടറി മുഹമ്മദ് അൻസീം കൃതജ്ഞത അർപ്പിച്ചു.
അധ്യാപക സർവ്വീസ് സംഘടന സമരസമിതി നേതാക്കളായ പി എൻ ജയപ്രകാശ്, എ ഡി അജീഷ്, ഡോ. അജയകുമാർ, ജോ ജോസ്, പി ഡി മനോജ്, എ എം അഷറഫ്, എ സി രാജേഷ്, ആർ പ്രദീപ് കുമാർ, ഏലിയാമ്മ ജോസഫ് സന്തോഷ് കെ വിജയൻ, ഷെജിൻ എം ഷാജി എന്നിവർ നേതൃത്വം നൽകി.