ന്യൂസ് ഡെസ്ക് : ഇന്ത്യ-പാകിസ്താന്‍ ലോകകപ്പ് മത്സരത്തിനിടെ ‘ജയ് ശ്രീറാം’ വിളിച്ച സംഭവത്തെ വിമര്‍ശിച്ച്‌ തമിഴ്‌നാട് കായിക മന്ത്രി ഉദയനിധി സ്റ്റാലിന്‍.മത്സരത്തിനിടെ അഹമ്മദാബാദ് നരേന്ദ്ര മോദി സ്റ്റേഡിയത്തില്‍ കാണികള്‍ പാക് താരത്തിനെതിരെയാണ് ജയ് ശ്രീറാം വിളിച്ചത്. വിദ്വേഷം പടര്‍ത്താനുള്ള ഒരു ഉപകരണമായി കായിക മത്സരങ്ങളെ ഉപയോഗിക്കുന്നത് അപലപനീയമാണെന്നും. ലോകകപ് വേദിയില്‍ ഉണ്ടായത് തരംതാഴ്ന്ന പ്രവര്‍ത്തിയാണെന്നും ഉദയനിധി സ്റ്റാലിന്‍ പറഞ്ഞു.
‘ഇന്ത്യ സ്‌പോര്‍ട്‌സ്മാന്‍ഷിപ്പിനും ആതിഥ്യമര്യാദയ്ക്കും പ്രശസ്തമാണ്. എന്നാല്‍ അഹമ്മദാബാദിലെ നരേന്ദ്ര മോദി സ്റ്റേഡിയത്തില്‍ പാക് താരങ്ങളോട് കാണിച്ച പെരുമാറ്റം അസ്വീകാര്യവും തരംതാഴ്ന്നതുമാണ്. സ്പോര്‍ട്സ് രാജ്യങ്ങള്‍ തമ്മിലുള്ള ഏകീകരണ ശക്തിയായിരിക്കണം, യഥാര്‍ത്ഥ സാഹോദര്യം വളര്‍ത്തിയെടുക്കണം. വിദ്വേഷം പടര്‍ത്താനുള്ള ഒരു ഉപകരണമായി ഇതിനെ ഉപയോഗിക്കുന്നത് അപലപനീയമാണ്’- ഉദയനിധി സ്റ്റാലിന്‍ ട്വീറ്റ് ചെയ്തു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പാക് താരം മുഹമ്മദ് റിസ്വാന്‍ ഔട്ടായി ഡ്രസ്സിംഗ് റൂമിലേക്ക് മടങ്ങുന്നതിനിടെയാണ് ‘ജയ് ശ്രീറാം’ വിളികള്‍ ഉയര്‍ന്നത്. എന്നാല്‍ കാണികളോട് പ്രതികരിക്കാതെ താരം നേരെ ഡ്രസ്സിംഗ് റൂമിലേക്ക് നടന്നുപോയി. 49 റണ്‍സെടുത്ത റിസ്വാനെ 34ാമത്തെ ഓവറിലെ അവസാനത്തെ പന്തില്‍ ജസ്പ്രീത് ബുംറ ബൗള്‍ഡാക്കുകയായിരുന്നു. ഇതിന്റെ വിഡിയോ സമൂഹമാധ്യമങ്ങളില്‍ വ്യാപകമായി പ്രചരിക്കുകയും ചെയ്തു. ഇതിന് പിന്നാലെയാണ് വിമര്‍ശനവുമായി ഉദയനിധി സ്റ്റാലിന്‍ രംഗത്തെത്തിയത്.
