കോട്ടയം : ഒഡീഷയിൽ നിന്നും ന്യൂയറിന് വിതരണം ചെയ്യാൻ കടത്തിക്കൊണ്ടുവന്ന ഒരു കിലോയിൽ അധികം കഞ്ചാവുമായി അന്യസംസ്ഥാന തൊഴിലാളി അറസ്റ്റിൽ. ഒറീസ പുരി നിമാപ്പഡാ കോൽഹാന കോൽഹാനകരയിൽ ബാബുലാ ഭോയ് മകൻ ബിചിത്ര ഭോയി (33) യെയാണ് പാലാ എക്സൈസ് ഇൻസ്പെക്ടർ ബി ദിനേശിന്റെ നേതൃത്വത്തിൽ ഉള്ള എക്സൈസ് റേഞ്ച് ടീം പിടികൂടിയത്. ഇയാളിൽ നിന്നും 1.100 കിലോ കഞ്ചാവും എക്സൈസ് പിടിച്ചെടുത്തു. കോട്ടയം പാലാ മുത്തൂരിൽ നിന്നാണ് ഇയാളെ പോലീസ് പിടികൂടിയത്. ഈരാറ്റുപേട്ട എക്സൈസ് ഇൻസ്പെക്ടർ സജി വി നൽകിയ രഹസ്യ വിവരത്തിന്റെ അടിസ്ഥാനത്തിൽ ആയിരുന്നു പരിശോധന. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
റെയ്‌ഡിൽ അസിസ്റ്റന്റ് ഇൻസ്പെക്ടർ ഫിലിപ്പ് തോമസ്, പ്രിവന്റിവ് ഓഫീസർ അനീഷ് കുമാർ കെ വി, സിവിൽ എക്സൈസ് ഓഫീസർമാരായ അഖിൽ പവിത്രൻ, ജെയിംസ് സിബി വനിതാ സിവിൽ എക്സൈസ് ഓഫീസർ രജനി ടി എന്നിവർ പങ്കെടുത്തു.
