ശ്രീനഗർ: പുതുവത്സരദിനത്തിൽ ജമ്മുകാശ്മീരിൽ രണ്ടിടങ്ങളിൽ ഭീകരാക്രമണം. രജൗരി ജില്ലയിലെ ധാംഗ്രി മേഖലയിലുണ്ടായ ആക്രമണത്തിൽ വെടിയേറ്റ് മൂന്ന് പേർ കൊല്ലപ്പെട്ടു. വെടിവെപ്പിൽ പത്തു പേർക്ക് പരിക്കേറ്റതായാണ് വിവരം. ആയുധധാരികളായ ഭീകരർ ഇന്ന് വൈകുന്നേരത്തോടെ പ്രദേശവാസികളുടെ നേരെ വെടിയുതിർക്കുകയായിരുന്നു. പരിക്കേറ്റവരിൽ ചിലരുടെ നില ഗുരുതരമാണ്. ഇവരെ രജൗരിയിലെ ആശുപത്രിയിൽ പ്രവേശിപ്പിച്ചിരിക്കുകയാണ്.
Advertisements
അതേ സമയം ശ്രീനഗറിൽ സൈനികർ സഞ്ചരിച്ചിരുന്ന വാഹനത്തിന് നേരെ നടന്ന ഗ്രനേഡ് ആക്രമണത്തിൽ ഒരു പ്രദേശവാസിയ്ക്ക് പരിക്കേറ്റു. എം കെ ചൗക്ക് മേഖലയിൽ വെച്ചാണ് സിആർപിഎഫ് സൈനികർ സഞ്ചരിച്ചിരുന്ന വാഹനത്തിന് നേരെ ആക്രമണമുണ്ടായത്. ആക്രമണം നടന്ന പ്രദേശങ്ങൾ സൈന്യം വളഞ്ഞിട്ടുണ്ട്. ഭീകരരെ കണ്ടെത്താനുള്‌ല തിരച്ചിൽ ദ്രുതഗതിയിൽ പുരോഗമിക്കുകയാണെന്ന് സൈന്യം അറിയിച്ചു.
