പത്തനംതിട്ട: കേരള എന്‍.ജി.ഒ യൂണിയന്‍ മുപ്പത്തിയെട്ടാമത് ജില്ലാ സമ്മേളനം പത്തനംതിട്ട അബാന്‍ ടവര്‍ ഓഡിറ്റോറിയത്തില്‍ നടക്കും. സി.ഐ.ടി.യു. സംസ്ഥാന സെക്രട്ടറി കെ.എസ്.സുനില്‍ കുമാര്‍ ഉദ്ഘാടനം ചെയ്യും. രാവിലെ 8.30ന് ജില്ലാ പ്രസിഡന്റ് സി.വി.സുരേഷ് കുമാര്‍ പതാക ഉയര്‍ത്തും. ജില്ലാ സെക്രട്ടറി ഡി.സുഗതന പ്രവര്‍ത്തന റിപ്പോര്‍ട്ടും ട്രഷറര്‍ ജി.ബിനുകുമാര്‍ വരവ് ചെലവ് കണക്കും അവതരിപ്പിക്കും. പ്രവര്‍ത്തന റിപ്പോര്‍ട്ടിന്മേല്‍ ചര്‍ച്ച, സെക്രട്ടറിയുടെ മറുപടി എന്നിവയ്ക്ക് ശേഷം നടക്കുന്ന തെരഞ്ഞെടുപ്പില്‍ പുതിയ ഭാരവാഹികളെ തെരഞ്ഞെടുക്കും. ശേഷം നടക്കുന്ന ഉദ്ഘാടന യോഗത്തില്‍ എഫ്.എസ്.ഇ.ടി.ഒ. ജില്ലാ സെക്രട്ടറി പി.കെ.പ്രസന്നന്‍, കോണ്‍ഫെഡറേഷന്‍ ഓഫ് സെന്‍ട്രല്‍ ഗവണ്‍മെന്റ് എംപ്ലോയീസ് ആന്‍ഡ് വര്‍ക്കേഴ്‌സ് ജില്ലാ സെക്രട്ടറി ഷാജി പി.മാത്യു എന്നിവര്‍ അഭിവാദ്യം ചെയ്യും. യൂണിയന്‍ സംസ്ഥാന സെക്രട്ടറി വി.കെ.ഷീജ,സംസ്ഥാന സെക്രട്ടറിയേറ്റംഗം കെ.വി.പ്രഫുല്‍ എന്നിവര്‍ പങ്കെടുക്കും. 3.45ന് സംഘടനാ റിപ്പോര്‍ട്ടിന്റെ അവതരണം, ചര്‍ച്ച, മറുപടി, പ്രമേയങ്ങളുടെ അവതരണം എന്നിവയ്ക്ക് ശേഷം 7.45ന് സമ്മേളനം സമാപിക്കും.
