ന്യൂഡൽഹി: ഡൽഹിയിൽ പുതുവത്സര ആഘോഷത്തിനിടയിൽ യുവതിയെ ക്രൂരമായി കൊലപ്പെടുത്തി. മദ്യലഹരിയിലായിരുന്ന യുവാക്കൾ സഞ്ചരിച്ച കാർ യുവതി സഞ്ചരിച്ച കാറുമായി കൂട്ടിയിടിക്കുക ആയിരുന്നു. അപകടസമയത്ത് സ്‌കൂട്ടറിൽ നിന്ന് വീണ യുവതിയെ കിലോമീറ്ററോളം വലിച്ചിഴച്ചു കൊണ്ട് പോയതായാണ് ദൃക്സാക്ഷികൾ അറിയിക്കുന്നത്.
ഇടിയുടെ ആഘാതത്തിൽ യുവതി സംഭവസ്ഥലത്ത് വെച്ച് തന്നെ മരിച്ചിരുന്നു കാറുമായി വസ്ത്രം കുരുങ്ങിയതിനാൽ എട്ട് കിലോമീറ്ററുകളോളം വലിച്ചിഴയ്ക്കുകയായിരുന്നു. യുവതിയുടെ മൃതദേഹവുമായി സഞ്ചരിക്കുന്ന കാർ ശ്രദ്ധയിൽപ്പെട്ടതിനെ തുടർന്ന് നിരവധിപേർ വാഹനത്തെക്കുറിച്ച് പൊലീസിനെ അറിയിക്കാൻ ശ്രമിച്ചിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഒടുവിൽ മദ്യപസംഘം സഞ്ചരിച്ചിരുന്ന കാർ നിർത്തിയ ശേഷം വിവസ്ത്ര ആയ നിലയിലാണ് യുവതിയുടെ മൃതദേഹം കണ്ടെത്തിയത്. തുടർന്ന് മദ്യലഹരിയിൽ കാറിലുണ്ടായിരുന്ന അഞ്ച് പേരെയും പൊലീസ് അറസ്റ്റ് ചെയ്തു. ഡൽഹി പൊലീസിൽ നിന്ന് സംഭവത്തെക്കുറിച്ച് വിവരങ്ങൾ തേടിയെന്ന് വനിതാ കമ്മീഷൻ അധ്യക്ഷ സ്വാതി മലിവാൾ അറിയിച്ചു.
